Нерухомасць

На таргі трапіў загадкавы недабудаваны замак з 1990‑х недалёка ад Мінска

Недабудаваны замак каля Заслаўя даўно стаў часткай пейзажу. Маштабны комплекс пачалі будаваць яшчэ ў 1990‑я гады, аднак так і не здолелі завяршыць. Цяпер пусты будынак побач з Мінскім морам і трасай на Маладзечна зноў выстаўлены на таргі на аўкцыённай пляцоўцы ЗАТ «Белрэалізацыя». Realt.by расказаў, што гэта за аб'ект і за колькі ён цяпер прадаецца.

Комплекс шматфункцыянальнага прызначэння, падобны да сярэднявечнага замка з чырвонай цэглы, размясціўся па адрасе: горад Заслаўе, вуліца Ганалес, 2а. Да Мінска адсюль — каля 12 кіламетраў.

Гісторыя незвычайнага замка пачалася яшчэ ў 1990‑х гадах. Тады зямлю на беразе Заслаўскага вадасховішча, паміж вёскай Ганалес і ажыўленай аўтатрасай, пачаў асвойваць кааператыў «Рагнеда». Кааператары мелі намер адкрыць тут гатэльна-забаўляльны комплекс з рэстаранам і казіно.

За наступныя дзесяцігоддзі ўласнікі будынкаў не раз мяняліся, аднак увасобіць у жыццё амбіцыйны праект нікому не ўдалося. У 2016 годзе, калі ўчастак з будынкамі перайшоў дзяржаве, тут размяшчаўся комплекс, які складаецца з матэля, дзевяці катэджаў і нават падзямелля з сістэмай тунэляў.

У пошуках новага ўладальніка недабудаваны замак не раз выстаўлялі на таргі. У выніку ў 2019 годзе яго прадалі з аўкцыёну за мільён рублёў. Уласнікам комплексу стала кампанія «ЛюксНСК». Яна збіралася адкрыць на базе «замка» гатэль і, мяркуючы з фота, вяла тут рамонтныя работы. Праўда, завяршыць будаўніцтва аб'екта да канца 2024 года, а гэта было адной з умоваў аўкцыёну, кампаніі таксама не ўдалося.

Цяпер будынак з чырвонай цэглы зноў выстаўлены на таргі. Пачатковы кошт недабудаванага замка складае 7,1 мільёна рублёў (2,4 мільёна даляраў).

Новы ўласнік атрымае адміністрацыйны будынак з кавярняй плошчай 550 квадратаў, збудаванне для камандных спартовых гульняў і іншых экстрэмальных відаў спорту плошчай 4650 квадратаў, падземнае збудаванне плошчай 2277 квадратаў, дапаможны будынак 433 квадраты і трансфарматарную падстанцыю.

Таксама яму дастанецца ўчастак плошчай 13,1 га. Зямлю перададуць у арэнду да 2049 года.

Для ўдзелу ў таргах прэтэндэнтам неабходна ўнесці задатак у памеры 711 тысяч рублёў. Крок аўкцыёну, на які будуць павышацца стаўкі, складае 355 тысяч рублёў. Згодна з правіламі, калі да ўдзелу будзе дапушчаны толькі адзін прэтэндэнт, аб'ект можа быць прададзены яму па пачатковай цане, павялічанай на 5%.

Аўкцыён пры наяўнасці заяўнікаў пройдзе 5 снежня.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва62

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць