З-за метэазондаў з Беларусі самалёт міністра замежных спраў Літвы і еўракамісара не адразу змог прызямліцца ў Вільні
Закрыццё на пэўны час з-за метэазондаў з Беларусі аэрапорта ў Вільні вечарам у чацвер прывяло да праблем з вяртаннем з Бруселя самалёта, на борце якога знаходзіліся міністр замежных спраў Літвы Кястуціс Будрыс і еўракамісар Андрюс Кубілюс.
«Еўракамісар Кубілюс і я гэтым вечарам вярталіся з Бруселя, павінны былі вярнуцца ў Вільню, але ў нас былі праблемы з-за метэазондаў кантрабандыстаў, якія ўяўлялі пагрозу для грамадзянскай авіяцыі. Беларусь працягвае свае гібрыдныя атакі супраць Літвы і ЕС, што яшчэ больш абвастрае сітуацыю.
ЕС павінен даць выразны сігнал рэжыму Лукашэнкі: гібрыдныя атакі супраць дзяржаў — членаў ЕС недапушчальныя і пацягнуць за сабой прамы і балючы адказ — больш строгія санкцыі. Чым хутчэй яны будуць уведзеныя, тым лепш», — напісаў Будрыс у сацсетцы Х.
Самалёт нейкі час кружыў над Коўнам і толькі тады, калі віленскі аэрапорт быў адкрыты, сеў у сталіцы Літвы.
Нагадаем, што літоўская мяжа была закрытая з 27 кастрычніка па 19 лістапада з-за метэазондаў з Беларусі, што неаднаразова прыводзіла да паралізавання працы аэрапорта ў Вільні. У ноч на 20 лістапада пераходы «Меднікі» і «Салечнікі» былі адкрытыя, і ў першы ж вечар пасля таго адбылося закрыццё аэрапорта.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
Ну а калі раптам у нас вырашаць, што кантрабанда гэта крымінал і пачнуць таксама з тым змагацца, то сітуацыя стане сапраўды лепшай, але калі тое станецца толькі рак на гары ведае.
Дарэчы тое самае і з мігрантамі будзе. Праз не далекі час адновяцца і спробы пераходу мяжы