У Светлагорску ў нелегальнай стаматалагічнай клініцы пацыентам лячылі здаровыя зубы
Большая частка кліентаў — дзеці.
У Светлагорску супрацоўнікі Жлобінскага міжраённага аддзела фінансавых расследаванняў раскрыла незаконную дзейнасць прыватнага прадпрыемства, якое аказвала медыцынскія паслугі без ліцэнзіі. Гісторыю падрабязна апісвае ведамасны часопіс КДК «Дзяржаўны кантроль», паведамляе Onliner.by.
Інфармацыя пра псеўдаклініку з’явілася ў аператыўнікаў у красавіку 2024 года. Праверка пацвердзіла: прадпрыемства сапраўды вялі дзейнасць без якіх-небудзь дазволаў.
У памяшканнях выявілі стаматалагічныя ўстаноўкі, абсталяванне для ультрагукавой дыягностыкі і нават чарнавіковыя запісы з імёнамі кліентаў. Многія з іх пазней прызналіся, што праходзілі там лячэнне, упэўненыя, што звяртаюцца ў легальную клініку.
Кантралёры ўстанавілі, што з 2023 па 2024 год у нелегальны кабінет звярнуліся не менш як 100 чалавек. Асабліва трывожыць, што большая частка кліентаў — дзеці. Бацькі, бачачы дарагое абсталяванне, не падазравалі, што перад імі прадпрыемства без ліцэнзіі.
У ходзе праверкі высветлілася, што ў «клініцы» праводзілі працэдуры без медыцынскіх паказанняў і нават лячылі здаровыя зубы.
Па выніках праверкі заведзена крымінальная справа. У ёй праходзяць два чалавекі: дырэктар і заснавальнік прадпрыемства, а таксама індывідуальны прадпрымальнік, які ўдзельнічаў у незаконнай дзейнасці. Следства ўстанавіла, што даход парушальнікаў склаў не менш за 57 тысяч рублёў. Гэтыя сродкі падлягаюць спагнанню ў бюджэт.
Каментары
Падаецца, у Кеніі быў выпадак. Хлопец прыкінуўся неяк адвакатам для знаёмца, і справа так пайшла, што выйграў больш за 20 справаў.