Кыргызы павіталі Лукашэнку перад юртай па-беларуску. Ён прамаўчаў ВІДЭА
У рамках пасяджэння Савета калектыўнай бяспекі Арганізацыі Дамовы аб калектыўнай бяспецы у Кыргызстане мясцовыя ўлады зладзілі выставу, на якой для кожнай краіны паставілі асобную юрту. Была такая і для Беларусі.
Сустракаючы Лукашэнку з кіраўнікамі іншых дзяржаў АДКБ на парозе гэтай юрты, кыргызскія арганізатары сказалі пару фраз па-беларуску:
«Добры дзень, паважаемыя прэзідэнты», — звярнуўся хлопец-кыргыз да ўсіх адразу.
«Паважаны Аляксандр Рыгоравіч, сардэчна запрашаем у юрту, прысвячаную Беларусі», — падхапіла ягоная калега-дзяўчына, звяртаючыся ўжо толькі да Лукашэнкі.
Лукашэнка, аднак, ніяк такую гасціннасць не ацаніў і проста прамаўчаў. Адгукнуўся лаканічным «Спасіба» ён толькі тады, калі яму дарылі традыцыйныя кыргызскія музычныя інструменты.
Раней падобная сітуацыя ўзнікла падчас візіту Лукашэнкі ў Душанбэ, дзе яго па-беларуску павіталі таджыкскія дзеці. Ён ім адказваў па-руску.
Каментары