Паміж Гродна і Гомелем будзе хадзіць прамы аўтобус. Працягласць маршруту — 600 км
Прамы аўтобус паміж Гродна і Гомелем пачне курсіраваць 5 снежня, расказалі Office Life распавялі прадстаўнікі сэрвісу «Атлас Бас».
Ён пройдзе праз чатыры вобласці, а яго працягласць складзе амаль 600 кіламетраў.
Пакуль у раскладзе толькі два рэйсы на тыдзень: па пятніцах і нядзелях. Выязджаць з Гродна ён будзе ў 05:00, а з Гомеля — у 18:10. Пры гэтым калі на маршрут будзе попыт, то ў кампаніі плануюць павялічыць шчыльнасць рэйсаў.
На шляху аўтобус будзе заязджаць у Шчучын, Ліду і Бабруйск. Час у дарозе ад Гродна да Гомеля ці наадварот складзе 7 гадзін 37 хвілін.
Паведамляецца, што на маршруце будзе працаваць вялікі аўтобус з «усімі неабходнымі для камфортнай паездкі опцыямі».
Прамы білет з Гродна ў Гомель ці назад каштуе 70 рублёў. Характэрна, што ў 1980‑х гадах паміж Гродна і Гомелем таксама курсіраваў прамы аўтобус.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру2
Каментары