«Рашэнні па ЕС будзе прымаць сам ЕС». У Еўракамісіі пракаментавалі Стратэгію нацыянальнай бяспекі ЗША
Пасля ўчарашняй публікацыі абноўленай Стратэгіі нацыянальнай бяспекі ЗША Еўракамісія падкрэсліла, што высока цэніць трансатлантычныя адносіны, але рашэнні, якія тычацца Еўрапейскага саюза, прымае сам Еўрасаюз, піша «Еўрапейская праўда».
Прэс-сакратар Еўракамісіі адзначыў, што ў дакуменце ЗША слушна вызначаюцца прыярытэты — спыненне расійскай вайны супраць Украіны, а таксама ўвага да падзей у Заходнім паўшар'і, важных для бяспекі саміх ЗША. Ён падкрэсліў, што Еўропа стратэгічна і культурна значная для Амерыкі, а трансатлантычныя гандлёвыя сувязі застаюцца адным з падмуркаў глабальнай эканомікі.
Прадстаўнік Еўракамісіі таксама нагадаў, што апошнія гады ЕС узмацняе намаганні, каб зменшыць залежнасць ад ЗША ў абароннай сферы, і будзе працягваць супрацоўніцтва, скіраванае на павелічэнне канкурэнтаздольнасці Еўропы.
Ён падкрэсліў: усе пытанні, якія тычацца Еўрапейскага саюза, уключаючы рэгуляванне, абарону свабоды слова і падтрымку міжнароднага парадку, заснаванага на правілах, будуць вырашацца самім ЕС.
У самой стратэгіі ЗША гаворыцца пра неабходнасць аднаўлення стратэгічнай стабільнасці ў адносінах з Расіяй, наданне Еўропе большай адказнасці за ўласную абарону і стрыманасць у пытаннях далейшага пашырэння НАТА.
Галоўная дыпламатка Еўрасаюза Кая Каллас раней адзначыла, што хоць у частцы крытычных заўваг з боку ЗША і ёсць пэўны грунт, Еўропа павінна ўпэўнена адстойваць сваю сілу і пазіцыю, у тым ліку ў адносінах да Расіі.
«Новая версія дактрыны Манро ад Трампа». У чым сутнасць новай стратэгіі нацыянальнай бяспекі ЗША
ЗША хочуць, каб НАТА больш не пашыралася — стратэгія нацбяспекі
Літва і ЗША будуць размаўляць, каб прызнаць гібрыдныя атакі Беларусі тэрарыстычнымі дзеяннямі
«Замест выратавання Еўропы цэнтрысты вядуць яе ў прорву»
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх10
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары