У Італіі злачынца спрабаваў схавацца, выдаючы сябе за пастуха ў дэкарацыях каляднай батлейкі
У італьянскім горадзе Галатоне, у Апуліі, паліцыя затрымала злачынцу, што быў у вышуку і абраў у якасці сховішча калядную батлейку на цэнтральнай плошчы.
38‑гадовы мужчына, які знаходзіўся ў вышуку за супраціў паліцыі і нанясенне цяжкіх цялесных пашкоджанняў, проста стаў паміж фігурамі Марыі і Іосіфа і вырашыў не рухацца, піша Bild.
На незвычайнага персанажа ў сцэне Калядаў звярнуў увагу мэр Галатоне Флавіа Філоні. Спачатку ён прыняў мужчыну за новую роставую фігуру і нават сфатаграфаваў яго.
«Я праходзіў міма ясляў і заўважыў, што побач з Марыяй, Іосіфам, немаўлём Ісусам і пастухом стаіць яшчэ адзін пастух, якога раней там не было», — расказаў ён.
Сітуацыя праяснілася, калі пастух нечакана заварушыўся. Паводле Філоні, ён спытаў, ці ўсё ў парадку, а той адказаў, што хоча пераначаваць проста ў яслях. Пасля гэтага мэр выклікаў паліцыю.
Праверка дакументаў паказала, што мужчына — ураджэнец Ганы — ужо некалькі тыдняў знаходзіцца ў вышуку пасля ўцёкаў з Балоньі. У выніку ганец апынуўся ў турме горада Лечэ. У Балоньі яго прыгаварылі да дзевяці месяцаў пазбаўлення волі.
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі5
Каментары