У школе ў пасёлку Горкі-2 Адзінцоўскага раёна падлетак, узброены нажом, напаў на вучняў і супрацоўнікаў установы.
Паводле «Базы», адно дзіця загінула. Паводле інфармацыі SHOT, нападнік забіў чацвёртакласніка. Розныя крыніцы паведамляюць пра трох або чатырох параненых, сярод якіх могуць быць ахоўнік і вучні. Афіцыйна інфармацыя не пацверджана.
На месца здарэння прыбыў спецыяльны атрад. Кабінет, у якім ён замкнуўся з адным з вучняў-закладнікам, узяў штурмам спецназ.
Нападніка затрымалі. Па дадзеных SHOT, ім аказаўся 15‑гадовы дзевяцікласнік гэтай жа элітнай Успенскай школы.
Паведамляецца, што хлопец зрабіў сэлфі на фоне забітага хлопчыка.
На футболцы ў нападніка быбло напісана «No Lives Matter» — нічые жыцці не важныя.
Пра прычыны нападу пакуль не паведамляецца.
Учора ў Пецярбургу 15‑гадовы школьнік напаў з нажом на настаўніцу.
Цяпер чытаюць
Уводзяць адказнасць за прапаганду гомасэксуальнасці, бяздзетнасці, а таксама за незаконнае прадстаўленне Беларусі на міжнароднай арэне25
Каментары