Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»
Былы дырэктар «Радыё Свабода» Аляксандр Лукашук, якому лёсам было суджана запісвацца для праграмы «Жыццё-маліна» раптоўна памерлага журналіста Мікіты Мелказёрава ў апошні дзень ягонага жыцця, расказаў «Нашай Ніве», як Мікіта тады выглядаў.
«Пра здароўе не скажу. Было адчуванне, што ён стомлены, бракуе энергіі, рысы твару былі запалыя.
Не было такой энергіі, як звычайна пры жывой мадэрацыі, калі падхопліваеш, патрабуеш удакладнення, рэагуеш на нейкае сцвярджэнне, сам даводзіш яго да абсурду і вымагаеш рэакцыі — не было гульні, гумару.
Звычайна ў таленавітага мадэратара — а ён такім быў — гэта паказчык недахопу энергіі, можа, нізкага ціску, ці нейкай праблемы, якая цісне. Думаю, гэта будзе відаць на запісе, калі яго зробяць», — сказаў Аляксандр Лукашук.
Каментары