Урад Беларусі падоўжыў дзеянне крэдытнай праграмы «На родныя тавары» да канца 2026 года. Адпаведную пастанову Савета Міністраў падпісаў прэм'ер міністр Аляксандр Турчын.
Дакументам істотна пашыраныя як спіс тавараў, якія можна набыць у крэдыт, так і кола беларускіх вытворцаў — удзельнікаў праграмы.
Цяпер за льготныя крэдыты можна набываць не толькі традыцыйныя айчынныя тавары, але і камп’ютарную тэхніку (ноўтбукі, маніторы, монаблокі, серверы, сістэмныя блокі), будаўнічыя матэрыялы (шпалеры, люстэркі, портландцэмент), прадукцыю лёгкай прамысловасці вядомых беларускіх брэндаў (адзенне, чамаданы, сумкі з натуральнай скуры, сервізы), а таксама бытавую і электратэхніку, сродкі малой механізацыі, самакаты, электрасамакаты, ацяпляльныя прыборы і іншыя тавары.
Акрамя таго, павялічаны пералік вытворцаў, прадукцыя якіх удзельнічае ў праграме. Да яго далучаныя прадпрыемствы, што выпускаюць ацяпляльнае абсталяванне, мота– і велатавары, драўляныя вокны і дзверы, мэблю, бытавую тэхніку, тэлевізары, санітарна-тэхнічныя вырабы, адзенне з натуральнага футра і іншую прадукцыю.
Крэдыты ў межах праграмы выдае Беларусбанк на льготных умовах — пад 4% гадавых. Пры гэтым змененыя і тэрміны пагашэння крэдытаў: яны цяпер залежаць ад катэгорыі набытага тавару і могуць складаць адзін, два або тры гады.
Максімальны, трохгадовы тэрмін пагашэння захаваўся для дарагіх пакупак, такіх як драўляныя дамакамплекты, ацяпляльныя катлы, сродкі малой механізацыі, матацыклы і мапеды.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары