Страшны пажар на раскошным альпійскім курорце: дзясяткі людзей загінулі ў падвальнай кавярні ад выбуху піратэхнікі
Як паведаміла швейцарская паліцыя, мінулай ноччу на гарналыжным курорце Кран-Мантана прагрымеў выбух.
Паводле звестак швейцарскага выдання Blick, каля 1:30 падчас святкавання Новага года ў бары La Constellation успыхнуў пажар.
Установа месціцца ў сутарэнным памяшканні. Прычынай пажару магла стаць піратэхніка канцэрта. Пра гэта некалькі чалавек паведамілі таксама мясцовай радыёстанцыі RhoneFM.
Дакладная колькасць ахвяр цяпер невядомая. Аднак яна ацэньваецца як вельмі высокая. Паводле звестак RhoneFM, маглі загінуць некалькі дзясяткаў чалавек.
Іншыя СМІ пішуць пра як найменш 40 ахвяр.
«У будынку знаходзілася больш за сто чалавек, і мы бачым шмат параненых і шмат загінулых».
Кран-Мантана — гэта фешэнэбельны курорт у кантоне Вале. У святочныя дні ён звычайна цалкам запоўнены: на прыкладна 10 000 жыхароў тут каля 2600 гатэльных месцаў.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я18
Каментары
[Зрэдагавана]