У Мінску знайшлі ў снегавым сумёце аслабелую вушастую саву, паведамілі ў Мінскім гарадскім камітэце прыродных рэсурсаў і аховы навакольнага асяроддзя.
Птушку знайшлі раніцай 13 студзеня супрацоўнікі інстытута «Мінскграмадзянпраект» — гэта была маладзенькая сава, якая ляжала ў глыбокім снезе.
Ветерынар агледзеў птушку і вызначыў, што яна знаходзіцца ў вельмі слабым стане, таму ёй аказваюць неабходную дапамогу.
Эколагі звярнулі ўвагу, што вялікія снегавыя наносы пасля цыклону «Улі» перашкаджаюць саве паляваць на мышэй і іншых дробных жывёл, якія складаюць яе асноўны рацыён. Некалькідзённае няўдалае паляванне і наяўнасць незвычайных «гарадскіх ворагаў» могуць хутка прывесці да стомленасці і аслаблення птушкі.
Вушастая сава — адна з самых распаўсюджаных у Беларусі. Яна гняздзіцца не толькі ў лясах, але і на ўскраінах населеных пунктаў, хоць у буйных гарадах сустракаецца рэдка. Совы не будуюць сваіх гнёздаў, выкарыстоўваючы пакінутыя гнёзды варон ці сарок. У Мінску гнёзды вушастых соў сустракалі ў Лошыцкім парку і парку 60‑годдзя Вялікага Кастрычніка.
«Бедная сава сядзела проста на бардзюры». Высяканне елак у цэнтры Пінска стала шокам і для людзей, і для птушак
У Бешанковічах мужчына паспрабаваў прадаць птушаня і атрымаў «адміністратыўку»
Паглядзіце, якія сімпатычныя совы пасяліліся каля «Паліміра» ў Наваполацку ФОТА
У Адэсе на волю адпусцілі птушанят вушастай савы, якія пацярпелі ад абстрэлаў
Цяпер чытаюць
Мінчук забіў маці і цесця, а пасля 15 гадоў атрымліваў за іх пенсію1
Каментары