Кароль Вялікабрытаніі Карл III прыняў рашэнне аб пазбаўленні свайго брата, прынца Эндру, усіх тытулаў, званняў і ўшанаванняў. Гэта было зроблена пасля таго, як на гэтым тыдні сталі вядомыя новыя падрабязнасці пра сувязі прынца з асуджаным за сэксуальныя злачынствы амерыканскім мільярдэрам Джэфры Эпштэйнам, паведамляе Euronews.
Брат караля Вялікабрытаніі Карла III прынц Эндру будзе пазбаўлены тытула і пакіне сваю рэзідэнцыю ў Віндзорскім замку, паведамілі ў Букінгемскім палацы.
Адзначаецца, што цяпер брата Карла III будуць зваць Эндру Маунтбетэн-Віндзор. Такія меры палічылі неабходнымі нягледзячы на тое, што Эндру працягвае адмаўляць выстаўленыя супраць яго абвінавачванні, гаворыцца ў паведамленні.
Рашэнне аб пазбаўленні тытулаў, званняў і ўшанаванняў было прынята брытанскім манархам пасля таго, як на гэтым тыдні сталі вядомыя новыя падрабязнасці пра сувязі прынца з асуджаным за сэксуальныя злачынствы амерыканскім мільярдэрам Джэфры Эпштэйнам.
Высветлілася, што Эндру прымаў Эпштэйна і амерыканскага прадзюсара Харві Вайнштэйна, таксама асуджанага за сэксуальныя злачынствы, у сваёй рэзідэнцыі ў Віндзоры ў 2006 годзе.
Прынц Эндру быў вымушаны адмовіцца ад выканання афіцыйных абавязкаў члена каралеўскай сям'і ў 2019 годзе з-за скандалу, выкліканага справай Эпштэйна. Гэта адбылося пасля таго, як амерыканка Вірджынія Джуфрэ выступіла з абвінавачваннямі супраць прынца, заявіўшы, што ён быў адным з мужчын, з якімі яе прымушалі займацца сэксам у 17‑гадовым узросце.
У сваёй кнізе Nobody's Girl («Нічыя дзяўчынка») Джуфрэ згадвае пра тры выпадкі сэксуальных адносін з членам брытанскай сям'і і абвінавачвае прынца ў тым, што той лічыў сэкс з ёй «правам па нараджэнні». Кніга была апублікаваная праз паўгода пасля таго, як Джуфрэ скончыла жыццё самагубствам.
Прынц Эндру адмовіўся ад тытула герцага Ёркскага. Яму зноў вылезла бокам справа Эпштэйна
Стывен Хокінг браў удзел у сэксуальных оргіях? Што за «спісы Эпштэйна» і хто ў іх трапіў
Карл ІІІ выгнаў прынца Эндру з Букінгемскага палаца
Брытанскі прынц Эндру выблытаўся са справы аб сэксуальным гвалце. Ён зрабіў пазоўніцы «істотнае ахвяраванне»
Лізавета ІІ пазбавіла свайго сына Эндру чыноў і тытулаў. Яго вінавацяць у згвалтаванні
Цяпер чытаюць
Гэтая беларуская інстазорка дайшла да Playboy — але, у адрозненне ад многіх, не спынілася3
Каментары