Украіна дамовілася з ЗША і Еўропай, якім будзе трохэтапны адказ на парушэнні рэжыму спынення агню з боку Расіі
Гэты план украінскія, еўрапейскія і амерыканскія прадстаўнікі абмяркоўвалі ў Парыжы ў снежні і студзені.
Кіеў дамовіўся з заходнімі партнёрамі, што на сістэматычныя парушэнні Расіяй любога будучага пагаднення аб спыненні агню будзе скаардынаваны ваенны адказ з боку Еўропы і ЗША, піша Financial Times са спасылкай на крыніцы.
Гэты план украінскія, еўрапейскія і амерыканскія прадстаўнікі абмяркоўвалі ў Парыжы ў снежні і студзені.
Парушэнне рэжыму спынення агню пацягне за сабой адказныя дзеянні на працягу 24 гадзін. Спачатку прагучыць дыпламатычнае папярэджанне і будуць прынятыя ўсе неабходныя меры з боку ўкраінскай арміі для спынення парушэння.
Калі парушэнне працягнецца, будзе ўведзена другая фаза ўмяшання з выкарыстаннем сіл «кааліцыі ахвотных», у якую ўваходзяць многія краіны ЕС.
Калі ж парушэнне перарасце ў маштабнае наступленне, то праз 72 гадзіны ўступіць у сілу скаардынаваны ваенны адказ сіл пры падтрымцы Захаду з удзелам узброеных сіл ЗША, паведамляюць крыніцы FT.
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары
Там, падаецца, ніякага кантролю нават не абяцаюць.
Проста, каб зразумець рэалістычнасць і прапрацаванасць плану пакуль.