Бізнэсмен Зайцаў больш не хоча асацыявацца з фестывалем «Сонцастаянне»
Вядомы бізнэсмен Аляксандр Зайцаў — больш не гаспадар таварнага знака пружанскага фестывалю «Сонцастаянне». Ён перааформіў яго на аднайменную кампанію, заўважыла выданне «Белорусы и рынок».
Згодна з данымі Нацыянальнага цэнтра інтэлектуальнай уласнасці, у студзені 2026 года Аляксандр Зайцаў перааформіў таварны знак «Сонцастаянне», пад якім праводзіўся рок-фестываль у Пружанах, з сябе асабіста на аднайменную кампанію.
Кампанія была створана самім жа Зайцавым у 2024 годзе і паспела правесці, даволі гучна, два мерапрыемствы ў родных мясцінах бізнэсмена. На канцэрце ў 2025 годзе прынялі ўдзел Вячаслаў Бутусаў, «Арыя», «Чайф», «Аліса», «Крэматорый» і іншыя расійскія гурты, большасць з якіх засвяціліся ў актыўнай падтрымцы вайны ва Украіне.
Праўда, далейшы лёс гэтага фестывалю цьмяны. У канцы мінулага года яго арганізатары паведамілі пра адмену мерапрыемства ў 2026 годзе. Звязана гэта з тым, што кампанію не ўнеслі ў Рэестр арганізатараў культурна-відовішчных мерапрыемстваў. Гэта азначае, што яны не маюць права ажыццяўляць пракат замежных выканаўцаў, у тым ліку з Расіі.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары