У сярэдзіне тыдня ў Мінску затрымалі стваральніка праекта «Кінаконг» Андрэя Кіма. Культурнага менеджара арыштавалі, жонку адпусцілі. Прычыны арышту невядомыя, піша тэлеграм-канал «Свяшчэнны Белавуд».
Кінаконг — беларускі кінапраект і кінадыстрыбутар са слоганам «Кіно па-беларуску», заснаваны 5 верасьня 2012 году Андрэем Кімам. Праект займаўся прафэсійным перакладам і агучваннем фільмаў, мультфільмаў, трэйлераў і відэаролікаў на беларускую мову, а таксама ладзіў кінапаказы ў розных гарадах Беларусі. «Кінаконг» стаў адным з найбольш вядомых праектаў, якія папулярызавалі беларускамоўны дубляж і рабілі сусветнае кіно даступным па-беларуску.
Сярод поўнаметражных анімацыйных фільмаў, агучаных праектам, — «Галаваломка» (Inside Out), «Галаваломка 2», «Душа» (Soul), «Лука» (Luca) і г.д. Гэтыя паказы неаднаразова збіралі поўныя залы і прыцягнулі дзясяткі тысяч гледачоў па ўсёй краіне.
Каментары