На Гомельшчыне пачалася падрыхтоўка да аднаўлення шляхецкай сядзібы
Аб'екты, якія сёлета плануюць адрэстаўраваць на Гомельшчыне за кошт сродкаў суботнікаў, упершыню за апошнія гады не маюць дачынення да «патрыятычнага выхавання» і Другой сусветнай вайны. Гэта сядзіба ў вёсцы Хальч Веткаўскага раёна і флігель сядзібы Козел-Паклеўскіх у Красным Беразе Жлобінскага раёна, піша «Флагшток».
Апошні аб'ект уключаны ў турыстычны маршрут «Залатое кальцо Гомельшчыны». Па ўспамінах мясцовых жыхароў, у кухні флігеля асобна размяшчалася і пякарня. Над кухняй жыў аканом сядзібы. На другім паверсе былі прыёмная, сам кабінет, гасцёўня і спальня кіраўніка. Тут пры рэстаўрацыі плануецца ўзнавіць функцыянал і атмасферу памяшканняў флігеля.
Першым абвешчаны тэндар менавіта па гэтым аб'екце. Паслуга па распрацоўцы перадпраектнай дакументацыі на рамонтна-рэстаўрацыйныя работы ў флігелі сядзібы Козел-Паклеўскіх у Красным Беразе павінна быць выканана да канца чэрвеня 2026 году.
Кошту работ пакуль няма, затое ў дакументацыі тэндара ёсць архіўныя здымкі, паводле якіх, верагодна, будуць імкнуцца ўзнавіць інтэр'еры.
У вёсцы Хальч сядзібна-паркавы комплекс Войніч-Сенажэцкіх канца XVIII — пачатку XIX стагоддзя займае ўчастак у 1 гектар. На гэтай тэрыторыі знаходзяцца будынак самога палаца-сядзібы, помнік загінулым воінам, два масівы зялёных насаджэнняў. Апошняя рэстаўрацыя палаца праводзілася ў канцы 1970‑х гадоў. Пасля рэстаўрацыі ў будынку будуць размешчаныя экспазіцыі, прысвечаныя гісторыі вёскі і яго ўладальнікам.
Якія гістарычныя аб’екты ў Мінску адрэстаўруюць у наступныя гады
Аднавілі мост там, дзе яго не магло быць, бо не змаглі знайсці яго рэальнае месца. Што за рэстаўрацыя адбываецца ў Жылічах?
У Ружанах археолагі знайшлі фрагменты падмурка будынка часоў Льва Сапегі
Ці ахвяраваць сваімі кроўнымі для праекта культурнага адпачынку па-салехардску? Пра туркомплекс у Красках
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам23
Каментары