Яны генеравалі пасты і каментары для сацсетак на рускай, англійскай ды іспанскай мовах, якія затым публікаваліся як у акаўнтах «Рыбара», так і ў дзясятках іншых акаўнтаў у X і Telegram
OpenAI апублікавала справаздачу пра злоўжыванні штучным інтэлектам, у якой паведаміла пра блакаванне сеткі акаўнтаў, звязанай з праваенным тэлеграм-каналам «Рыбар», піша The Bell.
Паведамляецца, што з дапамогай штучнага інтэлекту акаўнты «Рыбара»:
— генеравалі пасты і каментары для сацсетак на рускай, англійскай ды іспанскай мовах, якія затым публікаваліся як у акаўнтах «Рыбара», так і ў дзясятках іншых акаўнтаў у X і Telegram;
— стваралі відэа праз Sora для прасоўвання «Рыбара»;
— распрацоўвалі камерцыйныя прапановы для кліентаў: вядзенне акаўнтаў, «журналісцкія» сайты, сеткі для ўзмацнення ахопу публікацый;
— працавалі праз звязанае з «Рыбарам» выданне REST Media.
У адным з выпадкаў карыстальнік загрузіў артыкул REST Media пра тое, што Германія нібыта стварае сетку ўплыву ў Малдове, папрасіў ChatGPT згенераваць каментары, якія пасля былі апублікаваныя рознымі Telegram-каналамі са спасылкай на REST;
Яны таксама выкарыстоўвалі ChatGPT для планавання аперацый у Афрыцы з мэтай уплыву на выбары ў Дэмакратычнай Рэспубліцы Конга, Камеруне, Бурундзі і на Мадагаскары, уключна з арганізацыяй пратэстаў на месцах.
Гадавы бюджэт найбуйнейшага праекта ацэньваўся на 600 тысяч даляраў.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары
2. Ацаніце ўзровень каментарыяў, які будзе з дапамогай ШІ. Я даўно здзіўлены, што гэтага яшчэ няма ў вялікіх памерах.
3. Тэхнааптымісты спадзяваюцца, што тэхналогіі палепшаць свет. З тым жа поспехам яны яго і пагаршаюць.
4. Каб не быць ахвярай смеццевага медыяпатока, застаецца паляпшаць якасць крытычнага мышлення.
На жаль, у школах дагэтуль не разумеюць, што гэта галоўнае ў адукацыі (кажу пра заходнія, пра постсавецкія надзей няма).