Паслізнулася і ўпала на рэйкі. У Заслаўі электрычка насмерць збіла 19‑гадовую дзяўчыну
Здарэнне адбылося ўчора вечарам.
Увечары 1 сакавіка на чыгуначнай станцыі «Беларусь» пад колы цягніка рэгіянальных ліній трапіла жыхарка горада, паведамляе «Мінскі раён Live».
19‑гадовая дзяўчына спрабавала перайсці чыгунку ў месцы, не абсталяваным пешаходным пераходам. У момант набліжэння цягніка яна паслізнулася, упала на рэйкі і ў выніку апынулася пад коламі электрычкі, паведамляе СК.
Машыніст цягніка прыняў меры да экстраннага тармажэння, аднак пазбегнуць наезду не ўдалося.
Каментары