З 1 сакавіка з'явіліся дзіцячыя садкі для малых да двух гадоў. Што пра гэта думаюць бацькі?
Выданне Ex-press.live задало бацькам пытанне: з 1 сакавіка ў кожным раёне Беларусі ў дзіцячых садках з’явяцца групы для дзяцей да двух гадоў. А ці аддалі б вы сваё дзіця ў такую групу? Адказалі як бацькі, так і людзі, якія памятаюць дзяцінства, калі маці былі вымушаныя працаваць адразу пасля родаў.
Марыя:
«Грошай не стае, і я аддала б свайго сына, але толькі калі б педагогі былі сапраўды вопытныя. Галоўнае — гэта не проста нагляд, а развівальныя заняткі і бяспека. Яшчэ харчаванне і рэжым там павінны быць ідэальна прадуманыя. Але для мам, якія працуюць поўны дзень, такія групы — сапраўдная знаходка. Можа, і мне прыйдзецца…»
Наталля:
«Я аддам дачку ў групу да двух гадоў. Хоць пакуль сумняваюся. Двухгодка — яшчэ зусім маленькая, але разумею, што гэта шанец для мам, якія працуюць. Калі садкі правільна падрыхтуюць групы, гэта можа быць карысна для сацыялізацыі».
Наталля:
«Ідэя цікавая, але хочацца больш інфармацыі: колькі дзяцей у групе, якія харчаванне і рэжым, хто выхавальнікі. Пакуль схіляюся паспрабаваць, але толькі калі ўсё будзе бяспечна».
Ігар:
«З аднаго боку, зручна для бацькоў. З другога — не ўпэўнены, што малому патрэбна група да двух гадоў. Магчыма, мы дачакаемся водгукаў іншых бацькоў, перш чым наважыцца».
Іна, 58 гадоў:
«Калі я была маленькай, мама пасля родаў адразу пайшла працаваць, тады не было вялікага дэкрэтнага адпачынку… Ды і таму што грошай не ставала. Нас пакідалі з рознымі старымі бабкамі і нянькамі. Мама расказвала, што нянька з’ядала тую ежу, якую пакідалі мне… І я ўвесь час была галодная. Гэта жахліва, калі мама вымушаная працаваць замест таго, каб быць побач з дзіцём».
Алена:
«Мы з мужам абмяркоўвалі гэтую навіну. Думаем, што гэта рэальна дапаможа мамам выйсці на працу раней. Для дзіцяці будзе цікава камунікаваць з іншымі, але важна, каб умовы былі добрыя».
Вольга:
«Пакуль толькі плануюць, але мне здаецца, што дзіцяці будзе цікава гуляць з іншымі дзецьмі. Але хацелася б ведаць, як будуць навучаны выхавальнікі і які будзе рэжым. Мая мама адразу пасля родаў выйшла на працу, мяне насілі ў яслі. Гэта быў кашмар — часам я галадала, часам баялася ісці да іх, бо ніхто не клапаціўся. Гэта вельмі цяжка для дзіцяці. Але шчыра, адчуваецца, што дзяржава думае не пра дзяцей, а пра тое, каб бацькі працавалі».
Сяргей:
«Асабіста мы, напэўна, паспрабуем. Жонка і так працуе поўны дзень, і такія групы рэальна выратуюць. Але спачатку хочацца ўбачыць, як будуць арганізаваныя заняткі і догляд малых».
Каментары
Ці будзе гэтая стабільная сувязь у дзіцячым садзе? І якой стане эмацыйная блізкасць з бацькамі пры ранняй і працяглай разлуцы — кожны можа задумацца сам.