Па камерах відэаназірання беларусаў за стырном штрафуюць за рамяні і тэлефон
Беларускія аўтамабілісты падзяліліся ў сацсетках першымі «СМС шчасця» ад Дзяржаўтаінспекцыі.
Паводле слоў кіроўцаў, цяпер на тэлефон ад МУС можа прыйсці не толькі паведамленне аб штрафах за перавышэнне хуткасці або пратэрмінаваны тэхагляд, але і папярэджанне аб іншых відах парушэнняў, якія трапілі ў аб'ектыў камер фотафіксацыі, піша telegraf.news.
Скрыншотам паведамлення ад МУС падзялілася ў Threads аўтамабілістка з Бабруйска. Паводле яе слоў, гэта яе першае папярэджанне, якое «прыляцела» на мабільны з камер фотафіксацыі. Як распавяла дзяўчына, услед за СМС ёй паступіў і званок ад супрацоўніка ДАІ, які патлумачыў, што да чаго.
«Патэлефанаваў супрацоўнік і прапанаваў сустрэцца. Будзьце ўважлівыя, прышпільвайцеся і не размаўляйце па тэлефоне, на гэта таксама фотафіксацыя распаўсюджваецца», — падзялілася не самым прыемным досведам аўтамабілістка.
Мяркуючы па паведамленні, афіцыйнае папярэджанне дзяўчыне вынеслі не за непрышпілены рэмень, як яна згадала ў допісе, а за тое, што тая размаўляла па тэлефоне за рулём. Менавіта гэтае парушэнне прадугледжвае пункт 5 артыкула 18.13 Кодэкса аб адміністрацыйных правапарушэннях (КаАП), указаны ў СМС.
Дарэчы, максімальнае пакаранне па гэтым артыкуле за парушэнне кіроўцам правілаў карыстання радыё– і тэлефоннай сувяззю падчас руху — штраф у памеры да 2 базавых велічынь (гэта значыць да 90 рублёў), так што ў гэтым выпадку аўтамабілістка абышлася мінімальным пакараннем.
Паводле слоў аднаго з каментатараў, яму таксама ўжо тэлефанавалі з ДАІ і вынеслі вуснае папярэджанне за карыстанне мабільнікам за рулём. Як выказаў здагадку каментатар, парушэнне таксама адсачылі дарожнымі камерамі.
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага16
Каментары
Нават рэктар БНТУ, які ганьбіў і звальняў пратэстоўцаў у 20-м, цяпер выдаў загад аб публікацыях у журналах з рэйтынгамі Q1-4. На маскальскія К... забілі ўвогуле.