Дасведчанага праграміста з літоўскай IT-кампаніі асудзілі ў Гомелі за «садзейнічанне экстрэмізму»
Андрэй Кулікоў працаваў senior-распрацоўшчыкам у Altabel Group. Нядаўна яго асудзілі па крымінальным артыкуле і адправілі за краты.
Андрэю Кулікову 31 год. Ён гамяльчук. У 2014 годзе скончыў мясцовы тэхнічны каледж, дзе атрымаў дыплом па спецыяльнасці «Праграмнае забеспячэнне інфармацыйных тэхналогій».
У IT-сферы мужчына пачаў працаваць яшчэ з 2009 года: спачатку на фрылансе, а пасля ў гомельскай кампаніі ItSupportMe, дзе дарос да тэхліда.
Апошнія сем гадоў Андрэй працаваў Senior Full Stack Developer у літоўскай кампаніі Altabel Group. Кампанія стварае воблачныя, мабільныя і вэб-дадаткі, а таксама ўкараняе рашэнні з ужываннем штучнага інтэлекту і інтэрнэту рэчаў. Працуе з кліентамі ў ЕС, ЗША і Вялікабрытаніі.
Па-за працай Андрэй актыўна цікавіўся трэйдзінгам і інвестыцыямі, думаў, куды лепей укласці грошы, каб зарабіць. Таксама ён любіць аўтамабілі і падпісаны на тэматычныя суполкі.
Гомельскі абласны суд вынес Андрэю прысуд паводле частак 1 і 2 артыкула 361‑4 Крымінальнага кодэкса Беларусі — «садзейнічанне экстрэмісцкай дзейнасці». Яму прысудзілі хімію з накіраваннем ці калонію. Пераслед Андрэя, падобна, звязаны са справай Гаюна.
«Наша Нiва» — бастыён беларушчыны
ПАДТРЫМАЦЬЦяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі16
Каментары