Спецыяльны рэйс авіякампаніі «Белавія» вылецеў з Дохі ў Мінск, каб даставіць на радзіму беларускіх турыстаў. Пра гэта паведамілі ў Міністэрстве замежных спраў Беларусі.
Паводле інфармацыі ведамства, палёт стаў магчымы пасля перамоў беларускага і катарскага бакоў, бо цяпер дзейнічаюць абмежаванні на авіязлучэнне. Дзякуючы сумеснай працы Міністэрства замежных спраў Беларусі, пасольства Беларусі ў Катары і авіякампаніі «Белавія» ўдалося атрымаць дазвол на выкананне рэйса.
У МЗС адзначылі, што «Белавія» стала першай замежнай авіякампаніяй, якой Катар дазволіў вывезці турыстаў. Для гэтага аэрапорт Хамад у Досе часова адкрыўся для прыёму беларускага самалёта, і там былі задзейнічаныя ўсе неабходныя службы, у тым ліку дадатковыя меры бяспекі.
Беларускі бок выказаў падзяку ўладам Катара — у тым ліку Міністэрству замежных спраў, Міністэрству абароны, Міністэрству ўнутраных спраў і Дэпартаменту цывільнай авіяцыі — за дапамогу ў арганізацыі вылету грамадзян Беларусі.
Прыбыццё самалёта ў Мінск чакаецца найбліжэйшым часам.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі1
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4646
Каментары