Аўстрыя адмовілася выдаць ЗША ўкраінскага алігарха праз беларускі дыпламатычны імунітэт
Аўстрыйскі суд канчаткова адмовіўся выдаваць ЗША ўкраінскага алігарха Дзмітрыя Фірташа. Падставай стаў яго дыпламатычны імунітэт, атрыманы дзякуючы статусу прадстаўніка Беларусі, піша Reform.news.
Суд у Вене разглядаў гэтую справу з 2014 года. У 2024 годзе Вышэйшы зямельны суд пастанавіў, што экстрадыцыя немагчымая, бо з 2021 года Фірташ значыцца дарадцам пастаяннага прадстаўніцтва Беларусі пры міжнародных арганізацыях у Вене. У тым жа годзе ў арганізацыю ААН па прамысловым развіцці (UNIDO) была накіраваная нота, у якой паведамлялася пра яго прызначэнне прадстаўніком Беларусі.
Пракуратура Вены спрабавала абскардзіць гэтае рашэнне, але суд даў ёй чатыры тыдні на падачу апеляцыі замест двух, прадугледжаных законам. Пазней Вярхоўны суд прызнаў такое падаўжэнне тэрміну незаконным, і ў выніку пракуратура прапусціла тэрмін для абскарджання.
Рашэнне суда ўступіла ў сілу ў снежні 2025 года. Хоць Міністэрства замежных спраў Аўстрыі і UNIDO не надалі Фірташу афіцыйнай акрэдытацыі, суд палічыў, што дыпламатычныя ноты, накіраваныя беларускім пасольствам у 2021 годзе, аўтаматычна надалі яму дыпламатычны імунітэт. Суддзя падкрэсліў, што суд не абавязаны прытрымлівацца пазіцыі ўрада з-за прынцыпу падзелу ўладаў.
Фірташа затрымалі ў Аўстрыі ў 2014 годзе па запыце ЗША, але пазней вызвалілі пад заклад. Амерыканскія ўлады абвінавачваюць яго ў дачы хабару ў Індыі для атрымання дазволу на здабычу тытанавай сыравіны. З таго часу ён аспрэчваў магчымасць сваёй экстрадыцыі.
Структура ААН запярэчыла, што ўкраінскі бізнэсмен Фірташ акрэдытаваны пры іх арганізацыі. Раней казалі, што ён там ад Беларусі
Украінскі алігарх Фірташ спрабуе засцерагчыся ад экстрадыцыі ў ЗША з дапамогай беларускага рэжыму — Deutsche Welle
Аўстрыя дазволіла экстрадыцыю ўкраінскага магната Фірташа ў ЗША
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою15
Каментары