Аўстрыйская паліцыя арыштавала ў Вене 48-гадовага ўкраінскага прадпрымальніка Дзмітрыя Фірташа, паведамляюць інфармацыйныя агенцтвы.
Як паведамляецца, бізнесмен арыштаваны па запыце ФБР па падазрэнні ў дачыненні да стварэння арганізаванай злачыннай групы і хабарніцтве.
Як паведамляецца, ён знаходзіўся пад следствам ФБР з 2006 года.
Фірташа займае 4-е месца ў рэйтынгу самых багатых людзей Украіны (2013). Ягонае багацце ацэньваецца ў $ 3,5 млрд. Ягоныя актывы аб'яднаныя ў міжнародную групу кампаній «Group DF», асноўнымі кірункамі дзейнасці якой з'яўляюцца азотны, тытанавы, газавы і банкаўскі бізнэсы. Ён узначальвае Федэрацыю працадаўцаў Украіны, якая аб'ядноўвае ўвесь буйны ўкраінскі бізнэс.
Вялікі рэзананс у пачатку 2013 года выклікала набыццё групай Фірташа кампаніі Inter Media Group, у якую ўваходзяць тэлеканалы «Інтэр», НТН, К1, «Мега», «Энтэр-фільм», К2, «Піксель» і MTV.
Яго тэлеканалы былі ключавымі ў прапагандзе Януковіча. Напярэдадні ўцёкаў Януковіча «Інтэр» рэзка памяняў тон.
Лічыцца, што Фірташ звязаны ценевымі сувязямі з Уладзімірам Пуціным. Прынамсі, менавіта з удзелам прэзідэнта Пуціна было вырашана, што пастаўкі газу ва Украіну «Газпром» будзе ажыццяўляць не наўпрост, а праз структуры Фірташа.
Для гэтага ў 2004 годзе ўкраінскі бізнэсмэн супольна з «Газпромам» стварыў кампанію «Расукрэнерга» для ажыццяўлення транзіту газу ва Украіну і ў краіны Еўрасаюза. У тым жа годзе была набыта аўстрыйская кампанія Zangas Hoch-und Tiefbau GmbH, якая спецыялізуецца на будаўніцтве газаправодаў.
Кансалідаваная выручка Group DF за 2012 год складала прыкладна $6 млрд, а EBITDA — $ 1,3 млрд.
Бізнесмена затрымалі на праезнай частцы недалёка ад месца пражывання ў раёне Вены Маргарэт. Фірташ і ягоныя целаахоўнікі не супраціўляліся. Цяпер Фірташ знаходзіцца ў турме раёна Ёзэфштат.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?36
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары