У беларускіх лясах ужо заўважылі вялікую колькасць ранняга вясновага грыба, які ў народзе могуць называць «эльфавай чашай». Гэта адзін з першых ядомых грыбоў, што з’яўляецца ў лесе пасля зімы і часта лічыцца знакам пачатку грыбнога сезона, піша Telegraf.news.
Дасведчаны грыбнік Аляксандр Шаўцоў у сярэдзіне сакавіка пайшоў у разведку ў лес недалёка ад Мінска. Хоць у лесе яшчэ ляжаў снег, ён знайшоў там шмат саркасцыфы — яркага чырвонага грыба ў форме чашы. Такія грыбы звычайна з’яўляюцца падчас першых сакавіцкіх адліг.
Грыбнікі лічаць саркасцыфу своеасаблівым прадвеснікам іншых вясновых грыбоў. Пасля яе ў лясах звычайна пачынаюць расці смаржкі, вешанкі і страчкі. Паколькі саркасцыфы ў гэтым годзе вельмі шмат, можна меркаваць, што і ўраджай іншых вясновых грыбоў таксама будзе добры. На відэа, якое зняў Шаўцоў, гэтыя грыбы растуць цэлымі групамі — часам дзясяткамі на невялікіх участках лесу.
Паводле яго слоў, ужо праз тры-чатыры тыдні можна будзе смела адпраўляцца ў лес шукаць больш звыклыя для грыбнікоў смаржкі і вешанкі.
Саму саркасцыфу таксама можна збіраць, бо яна ядомая. Праўда, яе лічаць грыбам невысокай кулінарнай якасці: мякаць даволі цвёрдая, а смак не вельмі выразны. Затое грыб мае яркі колер, які захоўваецца нават пасля прыгатавання, таму яго часам дадаюць у салаты, амлеты або іншыя стравы для ўпрыгожвання.
Акрамя таго, саркасцыфу называюць своеасаблівым экалагічным паказчыкам. Яна звычайна расце ў чыстых лясах, далёка ад дарог і прамысловых зон, таму яе з’яўленне можа сведчыць пра добры стан навакольнага асяроддзя.
Паеў грыбоў і ўбачыў у талерцы ліліпутаў. Мноства людзей у розных краінах адчуваюць аднолькавыя галюцынацыі
Беларус паказаў маладое пакаленне грыбоў, якія растуць у лесе ў лютым
«Лісічкі на супчык». Беларусы і ў снежні працягваюць збіраць грыбы
У Пружанах мужчыну затрымалі за галюцынагенныя грыбы, назбіраныя ў лесе
Цяпер чытаюць
Анжаліка Мельнікава пасля знікнення набыла дзве кватэры ў Мінску83
Каментары