Кардынал Казімір Свёнтэк пераведзены з рэанімацыі ў хірургічнае аддзяленне
95‑гадовы кардынал Казімір Свёнтэк, які перанёс аперацыю ў сувязі з пераломам шыйкі сцягняка, пераведзены з рэанімацыі ў хірургічнае аддзяленне,
паведаміў ксёндз‑натарыус Мінска‑Магілёўскай архідыяцэзіі Рымска‑каталіцкай царквы ў Беларусі Юрый Санько.
Паводле яго слоў, стан здароўя кардынала нармальны і цяпер ён праходзіць працэс пасляаперацыйнай рэабілітацыі.
19 мая Свёнтэк, знаходзячыся дома ў Пінску (Брэсцкая вобласць), зламаў шыйку сцягняка левай нагі. 20 мая яго даставілі ў Рэспубліканскі навукова‑практычны цэнтр траўматалогіі і артапедыі ў Мінску, а раніцай 21 мая зрабілі аперацыю. Улічваючы тып пералому і ўзрост пацыента, дактары вырашылі ўстанавіць Свёнтэку не пратэз, а металаканструкцыю.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае13
Каментары