Расія збіраецца суправаджаць у моры гандлёвыя судны пад сваімі сцягамі
Расія разглядае магчымасць суправаджэння суднаў пад расійскім сцягам мабільнымі агнявымі групамі. Пра гэта паведаміў памочнік прэзідэнта Расіі Мікалай Патрушаў у інтэрв’ю выданню «Коммерсант».
«Цяпер таксама прапрацоўваецца размяшчэнне на суднах спецыяльных сродкаў абароны. Прадугледжваюцца меры па канваяванні гандлёвага флоту караблямі ВМФ. Усё часцей адзначаем, што палітыка-дыпламатычныя і прававыя меры далёка не заўсёды спрацоўваюць для процідзеяння разгорнутай Захадам кампаніі супраць расійскага суднаходства», — заявіў Мікалай Патрушаў.
У выпадку з’яўлення новых пагроз на моры з боку еўрапейскіх краін расійскі бок выпрацуе дадатковыя меры, расказаў ён.
Нядаўнюю атаку на расійскі танкер «Арктык Метагаз» у Міжземным моры Патрушаў назваў «абуральным выпадкам», які РФ расцэньвае як міжнародны тэракт. Рызыка тэрарыстычных і дыверсійных пагроз у дачыненні да суднаў, якія ідуць у расійскія порты, не зніжаецца, падкрэсліў памочнік прэзідэнта.
Індыйскія вайсковыя караблі пачалі суправаджаць танкеры ў Армузскім праліве
Швецыя затрымала ў Балтыйскім моры грузавое судна, якое ішло ў Пецярбург пад сцягам Гвінеі
Пасля атакі ў Міжземным моры расійскія ЗПГ-танкеры мяняюць маршруты
Супраць забароны на перавозкі расійскай нафты выступілі Грэцыя і Мальта
Арыштаваны 75‑гадовы Зміцер Санько — ветэран-выдавец3
Каментары