Бізнэсмен набыў для парка «Сула» арыгінальнае выданне Статута ВКЛ
Беларускі бізнэсмен Андрэй Запольскі на міжнародным аўкцыёне Sotheby’s набыў арыгінальнае выданне Статута Вялікага Княства Літоўскага. Цяпер кніга будзе захоўвацца ў гісторыка-культурным парку «Вялікае княства Сула», паведамляецца на яго сайце.
Гаворка ідзе пра выданне 1744 года, надрукаванае ў Вільні. Яно з’яўляецца перакладам Статута на польскую мову.
Дакладны кошт пакупкі не раскрываецца, а на сайце аўкцыённага дома Sotheby’s няма інфармацыі пра ўгоды са Статутам. Аднак дзеля прыкладу можна згадаць, што ў студзені 2023 года на пляцоўцы One bid прадавалі выданне 1811 года, надрукаванае ў Друкарні Сената ў Санкт-Пецярбургу. Той лот ацэньвалі на 1065—1278 еўра, піша выданне Office Life.
Парк «Вялікае княства Сула», дзе будзе захоўвацца кніга, — гэта турыстычны і адукацыйны комплекс, прысвечаны гісторыі ВКЛ. Там ужо ёсць калекцыя рэдкіх выданняў і артэфактаў. У прыватнасці, раней Запольскі набыў і прывёз у Беларусь кнігу «Вялікае мастацтва артылерыі» Казіміра Семяновіча 1650 года — адзін з самых вядомых вайсковых трактатаў свайго часу.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі1
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары