Нетаньяху распарадзіўся дапусціць лацінскага патрыярха Іерусаліма ў Храм Гроба Гасподняга
Напярэдадні яму не дазволілі правесці там імшу.
П’ербатыста Піцабала. Фота: Faiz Abu Rmeleh/Getty Images
«Я даручыў адпаведным уладам забяспечыць кардыналу П’ербатыста Піцабала, лацінскаму патрыярху, поўны і неадкладны доступ да Храма Гроба Гасподняга ў Іерусаліме», — напісаў прэм’ер-міністр Ізраіля Біньямін Нетаньяху.
Ён нагадаў, што нядаўна ў некалькіх метрах ад храма ўпалі абломкі ракеты, і ў сувязі з гэтым Ізраіль папрасіў прадстаўнікоў усіх канфесій часова ўстрымацца ад наведвання святыняў у Старым горадзе Іерусаліма.
«Хаця я разумею гэтыя асцярогі, як толькі мне стала вядома пра інцыдэнт з кардыналам Піцабалай, я даручыў уладам забяспечыць патрыярху магчымасць праводзіць службы па сваім меркаванні», — заявіў Нетаньяху.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС6
Каментары