Студэнтаў з Таджыкістана ў Магілёўскім універсітэце папярэдзілі пра смяротнае пакаранне за тэрарызм
Студэнтаў з Таджыкістана, якія навучаюцца ў БДУТ, сабралі на прафілактычны круглы стол пад незвычайнай назвай «Экстрэмізм — грані разумнасці», заўважыў канал «MAYDAY.TEAM».
Правяла мерапрыемства выхавальніца інтэрната №2 дзяржаўнага ўніверсітэта тэхналогій Галіна Стальмахова — куратар студэнтаў з Таджыкістана.
Яна патлумачыла маладзёнам, што ў Рэспубліцы Беларусь асоба, прызнаная вінаватай у здзяйсненні акта тэрарызму, у залежнасці ад абставін злачынства і цяжкасці наступстваў, караецца пазбаўленнем волі, пажыццёвым зняволеннем або смяротным пакараннем.
«Замежныя студэнты пазнаёміліся з такімі паняццямі, як «тэрарызм», «экстрэмізм»; відамі і напрамкамі тэрарызму», — паведамляе прэс-служба ўніверсітэта.
Магілёўскі БДУТ з 2019 года рыхтуе спецыялістаў для кандытарскай фабрыкі ў Душанбэ, колькасць студэнтаў складае каля 20 чалавек. Пры гэтым студэнтаў з Узбекістана ў разы больш, аднак яны не ўваходзяць у «групу рызыкі» з перадузятым стаўленнем, пішуць магілёўскія праваабаронцы.
Мерапрыемства «па прафілактыцы экстрэмізму і міжнацыянальных канфліктаў» у БДУТ па часе супала з нядаўнім прысудам, вынесеным у Расіі 12 сакавіка фігурантам крымінальнай справы аб тэракце ў падмаскоўнай канцэртнай зале «Крокус Сіці Хол». Адказнасць за тэракт узяла на сябе тэрарыстычная групоўка «Вілаят Харасан», якая вербавала людзей з таджыкскай дыяспары.
Цяпер чытаюць
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?4
Каментары