Здарэнне адбылося ў пачатку лютага. Пажарныя тушылі пажар у адной з кватэр.
Для ўстанаўлення прычыны пажару была прызначана экспертыза. Судовыя эксперты прыйшлі да высновы, што тэхнічнай прычынай узнікнення пажару стала цеплавое праяўленне электрычнага току пры аварыйным рэжыме працы інфрачырвонага плёначнага абагравальніка, усталяванага на адной са сценаў у жылым пакоі, паведамляе Дзяржкамітэт судовых экспертыз.
Плёначны інфрачырвоны абагравальнік адносіцца да так званых «прыбораў мяккага цяпла». Пажары, звязаныя з падобнымі электрапрыборамі, перыядычна адбываюцца. У асноўным яны здараюцца з таннымі электрагрэлкамі, пледамі, коўдрамі, якія маюць неэфектыўную сістэму рэгулявання тэмпературы і абароны ад перагрэву.
Здараецца, калі выраб згорнуты або цеплаізаляваны ад навакольнага асяроддзя накінутай зверху коўдрай, падушкай і г.д. Магчыма ўзгаранне з-за кароткага замыкання, вялікага пераходнага супраціву ў шнуры сілкавання або ў месцы яго злучэння з награвальным элементам, а таксама з-за выхаду з ладу тэрмарэгулятара.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве41
Каментары
[Зрэдагавана]