«Я лічу, што Еўрапейскі саюз знаходзіцца ў сітуацыі, калі яму патрэбны дадатковыя краіны», — сказаў прэзідэнт Украіны.
Прэзідэнт Украіны Уладзімір Зяленскі выказаў меркаванне, што для рэальнай бяспекі Еўропе патрэбны Украіна, Вялікабрытанія, Нарвегія і Турцыя. Пра гэта ён заявіў у падкасце The Rest Is Politics, піша «Еўрапейская праўда».
Зяленскі адзначыў, што калі ўявіць выхад ЗША з НАТА, бяспека Еўропы будзе грунтавацца выключна на тым, што ёсць у арсенале ЕС — і Еўрапейскага саюза ў такім выглядзе, як цяпер, будзе недастаткова.
«Я лічу, што Еўрапейскі саюз знаходзіцца ў сітуацыі, калі яму патрэбны дадатковыя краіны. Вялікабрытанія, Украіна, Турцыя і Нарвегія. Гэта чатыры моцныя краіны, якія з’яўляюцца часткай Еўропы. Разам арміі Вялікабрытаніі, Украіны і Турцыі мацнейшыя за расійскую. Без Украіны і Турцыі Еўропа не можа параўнацца з Расіяй. З гэтымі чатырма краінамі можна кантраляваць моры, мець абароненае неба і найбуйнейшыя сухапутныя сілы», — аргументуе Зяленскі.
Ён заўважыў, што расійскія планы прадугледжваюць нарошчванне колькасці войска да 2,5 мільёна да 2030 года, і ў гэтых умовах Еўропа павінна думаць, што супрацьпаставіць гэтай сіле і як захаваць сваю незалежнасць.
«Вялікабрытанія калісьці была членам Еўрапейскага саюза. Ёсць асцярогі наконт сельскай гаспадаркі ў выпадку з Турцыяй. Але з усім гэтым можна справіцца, калі эканоміка сапраўды моцная. Аднак бяспека — на першым месцы, а эканоміка — на другім. Не наадварот», — сказаў Зяленскі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары