Цела крычыць пра рак

Рак цяпер можна выяўляць задоўга да з’яўлення пухлінаў: для гэтага дастаткова аналізу крыві.

Навукоўцы з Нотынгемскага універсітэта і даследчай кампаніі Oncimmune абвясцілі пра «змену парадыгмы» ў дыягностыцы ракавых захворванняў. Метад, што распрацоўваўся імі на працягу пятнаццаці гадоў з прыцягненнем каля васьмі тысяч чалавек, дазваляе выявіць рак у арганізме чалавека ў тэрмін да пяці гадоў перад з’яўленнем пухлінаў. Для гэтага навукоўцам дастаткова ўзяць у чалавека аналіз крыві і па ім выявіць першыя сігналы яго імуннай сістэмы, звязаныя з сімптомамі з’яўлення раку ў арганізме.

Цяпер час медыкі часта вызначаюць рак, калі хвароба ўжо знаходзіцца на сур’ёзнай стадыі развіцця. Так, у выпадку раку лёгкіх пухліна ў момант яе выяўлення можа дасягаць памераў тэніснага мяча. У сярэднім нават самы ранні паспяховы маніторынг раку дазваляе выявіць пухліну ў той момант, калі клеткі прайшлі стадыю дзялення каля 20 разоў, а чалавек звычайна памірае пасля 40 дзяленняў.

Аналіз, прапанаваны навукоўцамі з Нотынгему, заключаецца ў вызначэнні антыцелаў, якія імунітэт чалавека выпрацоўвае ў адказ на малекулярныя прыкметы росту ракавых клетак. Гэтыя прыкметы ўяўляюць сабой выпрацаваны клеткамі бялок — антыген.

10 мілілітраў крыві дастаткова, каб выявіць гэты імунны адказ.

У першую чаргу метад нотынгемскіх навукоўцаў, які атрымаў назву EarlyCDT-Lung, дазваляе правесці раннюю дыягностыку раку лёгкіх. Такая працэдура распрацоўвалася менавіта для гэтага віду раку, таму асноўныя пацыенты, якім будуць праводзіць такі аналіз, — гэта людзі ад 40 да 75 гадоў, якія або кураць большую частку свайго жыцця, або не так даўно кінулі курыць. Акрамя таго, рак лёгкіх можа быць выкліканы і іншымі прычынамі — кантактамі з уздзеяннем радыёактыўных рэчываў (у прыватнасці, радону) і пражываннем у рэгіёнах з забруджанай атмасферай.

Навукоўцы мяркуюць, што дадзеную методыку, пры невялікай дапрацоўцы, у найбліжэйшай будучыні можна выкарыстоўваць для выяўлення раку тоўстай кішкі, яечнікаў і малочнай залозы.

«Мы пачынаем бачыць і разумець канцэрагенэз на той стадыі, якую раней не бачылі ніколі, — заявіў The Times прафесар Джон Робертсан, адзін з кіраўнікоў даследавання. — Мы глядзім, як імунная сістэма рэагуе на ракавыя клеткі.

Гэта тое ж самае, як калі б цела само крычала, што ў ім ёсць рак».

Вынікі даследавання будуць прадстаўленыя на штогадовай канферэнцыі Амерыканскага таварыства клінічнай анкалогіі ў Чыкага на наступным тыдні. У ЗША тэхналогія будуць выкарыстоўваць пачынаючы з наступнага месяца, а ў Вялікабрытаніі — з пачатку наступнага году. Меркаваны кошт працэдуры для аднаго чалавека — каля 300 фунтаў стэрлінгаў.

• 2
• 0
• 0
• 0
• 0
• 0
• 0
• 0