У заўзятаркі на трыбуне спынілася сэрца падчас матча «Баранавічаў» і «Дынама-Мінск»
Усё скончылася добра, але гульня сапраўды была нервовай.
Учорашняя сустрэча ў вышэйшай лізе паміж «Баранавічамі» і мінскім «Дынама» ледзь не скончылася трагедыяй, піша bel.football.
Падчас матча ў адной з глядачак на трыбунах спынілася сэрца.
На шчасце, дзякуючы своечасовым і прафесійным дзеянням медыкаў, якія дзяжурылі на гульні, а таксама работнікаў стадыёна жанчыну ўдалося выратаваць.
За каго заўзела жанчына, невядома. Але гульня была шалёнай.
«Баранавічы», якія не забівалі нікому ў ЧБ, нейкі час вялі 2:0 у гульні з «Дынама». Але выніковы лік — 3:2 на карысць «Дынама». У «Баранавічаў» па-ранейшаму нуль ачкоў і апошняе месца. Баранавіцкая каманда, якая існуе 81 год, упершыню прабілася ў вышэйшую лігу па выніках сезона-2025.
Каментары