24 красавіка ў Бабруйскім драматычным тэатры імя Дуніна-Марцінкевіча прайшла незвычайная аперацыя па выратаванні зайца, які трапіў у прыямак будынка. Пра гэты выпадак расказала загадчыца літаратурнай часткі тэатра Таццяна Мурманцава, піша Bobr.by.
Каля трэцяй гадзіны дня ў адміністрацыю тэатра звярнуўся малады чалавек і папрасіў дапамогі. Высветлілася, што ягоная дзяўчына заўважыла, як дзікі заяц трапіў у пастку — вузкі прыямак каля будынка, адкуль самастойна выбрацца не мог.
Хлопец у той момант ехаў з Мінска, але як толькі прыбыў у Бабруйск, адразу накіраваўся ратаваць жывёліну.
Паводле слоў супрацоўніцы тэатра, заяц сядзеў нерухома і амаль не падаваў прыкмет жыцця, таму яго маглі доўга не заўважаць. Спачатку думалі адкрыць акно, якое выходзіць усярэдзіну тэатра, але пасля адмовіліся ад гэтай ідэі, бо лавіць перапалоханага зайца ў вялікім памяшканні было б значна цяжэй.
Тады давялося падымаць краты і спускацца ўніз. Ратавальнік накрыў зайца посцілкай, якой тут звычайна збіраюць лісце і галлё. Жывёліна пачала вырывацца і нават падала голас, але мужчына ўпэўнена загарнуў яе ў палатно і вынес на траву.
Апынуўшыся на волі, вушасты імкліва паскакаў у сквер.
Таццяна Мурманцава адзначыла, што, на жаль, не даведалася імя гэтага хлопца, але была вельмі ўражаная ягонай спагадлівасцю і ўменнем абыходзіцца з дзікай жывёлінай.
Яна выказала надзею, што заяц адпачыў пад кустом да вечара, а ноччу падаўся ў бок Бярэзіны.
Гарбаты кіт Цімі жывы і нарэшце кіруецца ў Паўночнае мора. Аперацыя па яго выратаванні цягнулася два месяцы
Літоўскія памежнікі паказалі, як каля мяжы з Беларуссю раку пераплывае мядзведзь ВІДЭА
У Наваполацку знялі, як мыш у краме вылазіць паласавацца катлетамі ВІДЭА
Пад Гроднам нарадзілася авечка-панда ФОТЫ
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары