Папа Леў XIV двойчы тэлефанаваў у банк, яму не верылі і клалі слухаўку
Супрацоўніца банка нават запатрабавала асабіста прыехаць з Ватыкана ў ЗША.
Праз два месяцы пасля абрання Папам Львом XIV, ураджэнец ЗША кардынал Роберт Фрэнсіс Прэвост патэлефанаваў у свой амерыканскі банк, каб абнавіць кантактныя звесткі.
Тлумачачы немагчымасць з’явіцца ў банк асабіста, пантыфік шчыра прадставіўся Папам, пасля чаго супрацоўнік службы падтрымкі паклаў трубку, распавёў блізкі сябар папы айцец Том Маккарці на сустрэчы з каталікамі ў Ілінойсе, дзе ў свой час працаваў тагачасны кардынал Прэвост, піша The New York Times.
Паводле слоў айца Маккарці, новы Папа прадставіўся сваім свецкім імем і папрасіў змяніць нумар тэлефона і адрас у банкаўскіх дакументах.
Ён адказаў на ўсе кантрольныя пытанні, але супрацоўніца банка заявіла, што гэтага недастаткова, і запатрабавала асабістага візіту ў аддзяленне.
«Ён сказаў: «Ну, я не змагу гэтага зрабіць. Я ж адказаў на ўсе пытанні бяспекі»», — перадаў Макарці словы пантыфіка, чым выклікаў смех у прысутных.
Супрацоўніца папрасіла прабачэння, і тады папа зрабіў яшчэ адну спробу: «Вам было б важна, калі б я сказаў, што я папа Леў?» — спытаў ён. Пасля гэтага супрацоўніца падтрымкі паклала слухаўку.
У Ватыкане не адразу адказалі на запыт NYT наконт каментара да інцыдэнту. Аднак айцец Макарці пацвердзіў у электронным лісце, што гісторыя пра банкаўскія праблемы пантыфіка праўдзівая.
Паводле яго слоў, сітуацыю ўдалося ўрэгуляваць праз іншага святара, знаёмага з прэзідэнтам банка.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары
столько сложностей, которые работают на самом деле не на защиту клиента, а на прикрытие задниц банкстеров. за деньги клиентов.
если клиент ответил на все кодовые вопросы, то не должно быть никакого "этого недостаточно". а зачем они тогда вообще нужны эти кодовые вопросы?