Ёсць пацярпелыя і пашкоджанні.
Паводле паведамленнях расійскіх уладаў і СМІ, у ноч на 7 мая ўкраінскія беспілотнікі атакавалі Бранск і Ржэў.
У Бранску, як заявіў губернатар Аляксандр Багамаз, у Бежыцкім раёне пацярпелі 13 чалавек, у тым ліку дзіця. Пашкоджаныя два шматкватэрныя дамы, больш за 20 кватэр і каля 40 аўтамабіляў.
У Ржэве ўлады паведамілі аб пашкоджанні некалькіх жылых дамоў пасля атакі БПЛА.
Са слоў кіраўніка рэгіёна, была пашкоджаная пліта дахавага перакрыцця ў пяціпавярховым доме, выбітыя вокны ў трох будынках. Каля 350 жыхароў часова эвакуявалі і размясцілі ў гасцініцы. Інфармацыі аб пацярпелых не было.
Украінскі бок на момант публікацыі афіцыйна не каментаваў гэтыя канкрэтныя інцыдэнты.
Таксама дроны ўдарылі па Нара-Фамінску. Ёсць інфармацыя, што пад удар трапіў вайскова-лагістычны комплекс «Нара», які належыць Міністэрству абароны РФ.
Гэты комплекс прызначаны для захоўвання і размеркавання ваенных грузаў, забяспечваючы аўтаматызаваную лагістыку для Узброеных сіл РФ.
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы12
Каментары