Расійскі футбаліст памяняў грамадзянства, каб згуляць на чэмпіянаце свету. Але не фартанула
ФІФА не дазволіла брамніку нарвежскага клуба «Будзё-Глімт» Мікіту Хайкіну выступаць за зборную Нарвегіі. Такім чынам ён, найверагодней, не згуляе на чэмпіянаце свету 2026 года.
Раней Хайкін падаў заяўку на змену спартыўнага грамадзянства — з расійскага на нарвежскае. У красавіку ён атрымаў пашпарт Нарвегіі, а ў мясцовай зборнай разлічвалі на яго перад мундыялем.
Аднак ФІФА адхіліла заяўку Хайкіна. Прычына — правілы міжнароднай федэрацыі патрабуюць пяці гадоў бесперапыннага жыцця ў краіне для змены футбольнай асацыяцыі, калі ў гульца няма факту нараджэння або сямейных каранёў у гэтай дзяржаве.
Хайкін жыў у Нарвегіі з 2019 года, але ў 2023‑м ненадоўга пераязджаў у англійскі «Брыстоль Сіці». Пасля вяртання ў Нарвегію адлік пяцігадовага тэрміну, паводле правіл ФІФА, пачаўся наноў.
У выніку брамнік зможа атрымаць права гуляць за нарвежскую зборную толькі ў 2028 годзе.
30‑гадовы Хайкін нарадзіўся ў Ізраілі, вырас у Расіі, а таксама ён мае англійскае грамадзянства. Раней займаўся ў акадэміях маскоўскага «Дынама», а таксама англійскіх клубаў «Чэлсі», «Портсмут» і «Рэдынг».
У апошнім сезоне галкіпер ярка праявіў сябе ў Лізе чэмпіёнаў у складзе «Будзё-Глімта». Нарвежскі клуб сенсацыйна дайшоў да плэй-оф і выбіў з розыгрышу міланскі «Інтэр».
Нарвежская футбольная асацыяцыя пакуль працягвае кансультацыі з ФІФА і можа падаць апеляцыю.
Шакіра прадставіла афіцыйную песню мундыялю-2026
Adidas зняў крутую пяціхвілінную кароткаметражку да чэмпіянату свету па футболе з Шаламэ, Бэкхэмам, Зіданам, Месі і дэль П'ера
Амерыканскі тэлеканал прапануе 50 тысяч даляраў за прагляд усіх матчаў чэмпіянату свету па футболе
Галкіпер зборнай Мексікі паедзе на шосты чэмпіянат свету па футболе
ФІФА не плануе замяняць зборную Ірана на чэмпіянаце свету па футболе
Цяпер чытаюць
«Калі шандарахне па цягніку, хто будзе лідарам дэмсіл?» Два дні з дэлегацыяй Ціханоўскай у Кіеве — што засталося за кадрам28
Каментары