Грамадства88

У цэнтры Мінска з'явіліся цагляныя «катэджы». Для каго?

Адна з галоўных пляцовак для весялосці ў Мінску мяняе сваё аблічча. Да драўляных домікаў-хатак, што сталі ўжо звыклымі і пасяліліся каля Палаца спорту, дадаліся больш грунтоўныя «катэджы». Імітацыя цэглы, ахоўныя навесы, панарамныя вокны — так выглядаюць новыя, салідныя, канструкцыі. «Апгрэйд» невыпадковы: з пачатку вясны тэрыторыя ў цэнтры горада перажывае новы этап рэканструкцыі, піша Onliner.by.

Яшчэ ў сакавіку знаёмая ўсім пляцоўка была перакапана уздоўж і ўпоперак. Рабочыя займаліся добраўпарадкаваннем фантана і тэрыторыі каля яго, высаджвалі туі і абяцалі парадаваць гараджан чымсьці асаблівым.

Сёння ўжо ясна, што асаблівае — гэта новыя павільёны, якія адрозніваюцца ад сваіх папярэднікаў. Для каго гэтыя домікі? Для нас з вамі. У памяшканнях размесцяцца папулярныя пункты грамадскага харчавання, пад навесамі схаваюцца столікі.

Само сабой, выдзеляць плошчы для гандлю сувеніркай — знайсці яе можна будзе ў павільёне «Родны мерч».

«Таксама тут будзе размешчаны філіял інфармацыйна-турыстычнага цэнтра, дзе кожны госць сталіцы зможа атрымаць поўную інфармацыю аб турыстычным патэнцыяле і турыстычных маршрутах у Мінску і за яго межамі», — распавёў у эфіры тэлеканала «Беларусь 1» дырэктар КУП «Мінская спадчына» Аляксандр Яцко.

Афіцыйнае адкрыццё абноўленай пляцоўкі запланавана на 30 мая ў рамках летняга музычна-турыстычнага сезона. У праграме анансуюць кінапаказы, інтэрактыўныя квізы і квэсты, а таксама дыджэй-сеты ад беларускіх радыёстанцый.

Зрэшты, ужо сёння, 9 мая, пляцоўка, дзе традыцыйна праводзяцца ўсе важныя гарадскія мерапрыемствы, гатова прыняць усіх-усіх-усіх.

Каментары8

  • Ээээ
    09.05.2026
    Агра трэш

    500 м стаіць комплекс у адной стылістыцы пачатку 20 ст. Няўжо было так цяжка зрабіць павільёны ў там жа стылі.

    Не, давайце болей сваіх праектаў для мангала на лецішчы ў цэнтры горада.
  • Блуждающий эстет
    09.05.2026
    Наконец-то, в самом центре Минска - историческом! - появился уникальный архитектурный комплекс, не имеющий аналогов в мире! Оригинально, нешоблонно, уютно, душевно, совремённо - а иначе в нашем прекрасном, древнем и молодом Минске, быть не может! Нет никаких сомнений, что жители белорусской столицы, особенно молодёжь, будут в восторге, а зарубежные гости будут молча, пряча глаза и глотая свои слюни, им завидовать!
  • jdk
    09.05.2026
    Хто там што купляе?

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю34

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

Пад Барысавам упалявалі першую ў гэтым сезоне рысь2

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю34

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць