У Атаву паляцелі лідэр кампаніі «Гавары праўду» Уладзімір Някляеў, а таксама тры прадстаўнікі АГП — Анатоль Лябедзька, Яраслаў Раманчук і Андрэй Дзмітрыеў.
Прэм’ер‑міністр Канады Стывен Харпер прыняў у сваім кабінеце дэлегацыю беларускай апазіцыі, што знаходзіцца зараз у Атаве.
У Канаду паляцелі лідэр кампаніі «Гавары праўду» Уладзімір Някляеў, а таксама тры прадстаўнікі АГП — Анатоль Лябедзька, Яраслаў Раманчук і Андрэй Дзмітрыеў.
Анатоль Лябедзька зазначыў, што «Канада і яе лідэр паслядоўна і прынцыпова прытрымліваюцца каштоўнаснага падыходу ў знешняй палітыцы. Для Беларусі, якая стаіць на парозе прэзідэнцкай кампаніі, гэта асабліва актуальна».
Сам Харпер адзначыў, што «Беларусь — гэта праблема, якая патрабуе ўвагі з боку сусветнай супольнасці».
«Напэўна, у папярэднія некалькі гадоў у кабінетах улады Атавы не гаварылі столькі і адразу пра Беларусь колькі за гэтыя тры дні», — працягвае А.Лябедзька.
Сёння візіт палітыкаў у Канаду канчаецца. Наступным прыпынкам беларускай дэлегацыі будзе Вашынгтон.
Цяпер чытаюць
Бабарыка: Калі б мы перамаглі — вайны ва Украіне не было б13
Каментары