Сапраўдны мужчына павінен пасадзіць дрэва, паставіць хату і выгадаваць сына. Сапраўдны старшыня БНФ павінен кагосьці выгнаць. Піша Андрэй Дынько.
Сапраўдны мужчына павінен пасадзіць дрэва, паставіць хату і выгадаваць сына. Сапраўдны старшыня БНФ павінен кагосьці выгнаць.
Абрагам радзіў Ісака, Ісак радзіў Якава. Кніга быцця Партыі БНФ гучыць іначай. Вінцук выгнаў Паўла. Лявон выгнаў Алеся. Лёша выгнаў Франка.
А за што? А што ў Інтэрнэце нешта сказаў. Алеся Міхалевіча таксама выключалі, бо ён у інтэрнэце нешта сказаў. Ізвініце, можа я чагосьці не панімаю. Можа, прасцей выключыць доступ да інтэрнэта на сядзібе БНФ? Каб не драбіцца з хуткасцю амёбаў.
Франак варты павагі за сваю актыўнасць, і тое, што яго разам з Шылам спецслужбы правялі ў армію і з арміі па адным сцэнары, паказвае, якую ўвагу яны яму надаюць.
Франак заслугоўвае пагарды за тую адсутнасць палітычнай культуры, з якой ён у часе нармальнай палітычнай палемікі адносна выбару партыйнага курсу пачаў біць ніжэй пояса пад бабскае пляткарства.
І павага, і пагарда не вечныя.
Як бы ні было, не дзяліцеся, хлопцы. Дзяліць Вам няма чаго.
-
Рэжым Лукашэнкі часова стане менш агрэсіўным да суседзяў, але стратэгічна будзе імкнуцца да авалодання атамнай зброяй
-
«Знайшлі крайняга», а «паставяць салдафона якога-небудзь». У сацсетках адрэагавалі на звальненне кіраўніка «Мінсктранса»
-
Цыганкоў: Не падазраваў, што Бабарыка з'яўляецца прыхільнікам сацыялізму — мары сярэдняга чалавека
Каментары