Мінчук аддаў махлярам два айфоны і робаты-пыласмокі, бо не хапала пераведзенага крэдыту
Усё пачалося з фразы «На ваша імя адкрыты дабрачынны рахунак, які фінансуе тэрарыстаў».
32‑гадовы мінчук працуе інжынерам. Яму патэлефанавала жанчына, якая сказала, што на іх працы праводзіцца праверка і неўзабаве з ім звяжацца прадстаўнік дзяржаўных органаў, паведамляе «Міліцыя Мінска»
Далей мужчыну патэлефанаваў фэйкавы супрацоўнік КДБ і паведаміў, што на яго імя адкрыты дабрачынны рахунак у банку, а грошы з яго нібыта ідуць на фінансаванне тэрарыстычных арганізацый. Каб пазбегнуць крымінальнай адказнасці, яму трэба вярнуць сродкі, якія нібыта ўжо былі пералічаныя ад яго імя.
Мужчына аформіў чатыры крэдыты на 35 000 рублёў і пералічыў грошы на рахунак, які яму паведамілі незнаёмцы. Але на гэтым махляры не спыніліся — папрасілі аформіць растэрміноўку на два робаты-пыласмокі, некалькі мабільных тэлефонаў iPhone 17 і разумных калонак, а таксама купіць анлайн-курс.
Тэхніку, набыццё якой было аформлена ў растэрміноўку, мужчына перадаў невядомаму чалавеку ў гандлёвым цэнтры, а код доступу пераслаў незнаёмцам у месенджары. Пасля гэтага тыя перасталі выходзіць на сувязь, а інжынер зразумеў, што адбылося, і звярнуўся ў міліцыю.
Агульная сума шкоды склала каля 66 000 рублёў. Заведзена крымінальная справа.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары