У Беларусі ніяк не могуць паказаць сусветны хіт — давялося вяртаць грошы за квіткі
Камедыя «Вельмі страшнае кіно 6» (Scary Movie 6) выйшла на экраны ў пачатку чэрвеня, фільм з рускай агучкай паказалі ўжо ў Расіі і Казахстане. А вось беларусы могуць гэты хіт і не пабачыць.
«Вельмі страшнае кіно 6» — чарговая частка вялікай кінафраншызы, якая пачалася яшчэ ў 2000‑м. Кожны з гэтых фільмаў — гэта пародыя на вядомыя хорары і адначасова сатыра на скандалы, падзеі і проста мемы апошніх гадоў.
Незразумела, што з гэтага засмуціла беларускія ўлады, але шостая частка серыі ўсё ніяк не можа выйсці ў нашых кінатэатрах.
Сусветная прэм'ера «Вельмі страшнага кіно 6» адбылася 5 чэрвеня 2026 года, 18 чэрвеня фільм выйшаў у Расіі. Кіно не толькі акупілася, яно паказала зборы на ўзроўні касавага хіта — 200 мільёнаў даляраў пры 30 мільёнах даляраў, выдаткаваных на здымкі. Водгукі крытыкаў, праўда, негатыўныя, але ж пры такіх зборах наўрад ці гэта засмуціць прадзюсараў.
У Беларусі планавалі паказаць фільм яшчэ на мінулым тыдні — напрыклад, сетка кінатэатраў Mooon планавала прэм'еру на 20 чэрвеня. Але ж 19 чэрвеня ў сацсетках кінатэатраў напісалі, што прэм'ера пераносіцца «з прычын, якія не залежаць ад Mooon». Гледачам, якія ўжо набылі квіткі, прапанавалі вярнуць за іх грошы.
У іншых кінатэатрах сітуацыя не лепшая. На сайтах па продажы квіткоў стаяць фармальныя аб'явы пра сеансы 22 чэрвеня, але ж квіткі на іх вы не набудзеце — на сайце будзе напісана нешта накшталт «падзей па вашым запыце не знойдзена» або «продаж на гэтае мерапрыемства скончаны». Часам можна набыць квіткі на іншыя дні, але ж невядома, ці не давядзецца вяртаць і іх.
У кінатэатрах тлумачаць, што чакаюць адказу ад Міністэрства культуры, бо стужку яшчэ не дадалі ў рэестр дазволенага кіно.
«Наша Нiва» — бастыён беларушчыны
ПАДТРЫМАЦЬУ расійскай франшызе пра халопаў выйшаў новы фільм — яго глядзяць і ў Беларусі
Шалёна папулярны карэйскі серыял ад Netflix пра школьны булінг — хто здзекаваўся з аднакласнікаў, павінен прайсці праз такое ж прыніжэнне
Беларусы з Польшчы пабылі рускімі ў фільме, які ўзяў прыз у Канах. Стужцы прарочаць намінацыю на «Оскар»
Каментары
- Х..ячечная. Это Министерство Культуры.
[Зрэдагавана]