Егіпет уводзіць электронныя візы. Як сістэма будзе працаваць для беларусаў?
З 1 жніўня ў Егіпце ў пілотным рэжыме пачне працаваць сістэма лічбавых віз. Пакуль яна будзе дзейнічаць толькі ў аэрапорце Каіра.
У перспектыве сістэму плануюць укараніць і ў іншых аэрапортах краіны, паведаміў Рэспубліканскі саюз турыстычных арганізацый.
Папяровыя візавыя налепкі ў пашпартах будуць скасаваныя. Замест іх турысты будуць атрымліваць QR-код, які неабходна паказаць падчас пашпартнага кантролю.
Аформіць яго можна будзе на афіцыйным сайце, праз мабільную праграму або з дапамогай аўтаматаў самаабслугоўвання ў залах прылёту.
Важны момант: аплата наяўнымі не прадугледжана — толькі банкаўскай карткай.
Дарэчы, турыстычныя кампаніі змогуць афармляць QR-код ад імя турыста за 48 гадзін да яго прыбыцця. Кошт візы не зменіцца і складзе 30 даляраў.
Да поўнамаштабнага ўкаранення электронных віз улады плануюць перайсці толькі пасля тэставання сістэмы ў Каіры. Тураператары падкрэсліваюць, што турысты, якія прыбываюць у жніўні, напрыклад, у Хургаду, будуць афармляць візы яшчэ паводле ранейшых правілаў.
У той жа час правілы ўезду для турыстаў, якія прылятаюць у Шарм-эш-Шэйх, пакуль не змяняюцца. Калі чалавек прыбывае на гэты курорт, не пакідае тэрыторыю Паўднёвага Сіная і знаходзіцца там не больш за 15 дзён, яму, як і раней, бясплатна ставяць у пашпарт так званы «сінайскі штамп». На гэтую катэгорыю турыстаў лічбавая сістэма не будзе распаўсюджвацца.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал16
Каментары