U Łatvii znajšli pieršy ŭ krainie tunel dla nielehalnych mihrantaŭ ź Biełarusi
Raniej niekalki takich tunelaŭ było vyjaŭlena ŭ Litvie.
Siońnia ŭ Łatvii pačałasia apieracyja Vilkatis («Piarevaracień»), u miežach jakoj usie adpaviednyja słužby buduć pravodzić skaardynavanyja dziejańni dla abmiežavańnia nielehalnaj mihracyi, paviedamiŭ siońnia žurnalistam premjer-ministr Andrys Kułbierhs, piša Delfi.lv
Minułuju noč niepadalok ad zakrytaha punkta propusku ŭ miastečku Silenie byŭ vyjaŭleny padziemny tunel, praź jaki pierapraŭlali nielehalnych mihrantaŭ. Punkt propusku «Silenie» (ź biełaruskaha boku — «Urbany») byŭ zakryty vosieńniu 2023 hoda.
Na minułym tydni stała viadoma, što ŭ Litvie byli vyjaŭlenyja niekalki padobnych tunelaŭ.
«Kali pasprabavali dakładniej vyznačyć, jakim čynam jany trapili ŭ našu krainu, byŭ vyjaŭleny hety schavany tunel, jaki pakul źjaŭlajecca pieršym tunelem takoha rodu ŭ Łatvii», — skazaŭ ministr unutranych spraŭ Łatvii Janis Dombrava.
Ministr adznačyŭ, što budzie praviedzienaja acenka nieabchodnych previentyŭnych mier, jakija možna było b pryniać.
Premjer Kułbierhs padkreśliŭ, što Rasija vykarystoŭvaje Biełaruś dla hibrydnych atak, a arhanizacyja patokaŭ nielehalnaj mihracyi praź biełaruska-łatvijskuju miažu — adna z formaŭ takoj hibrydnaj vajny.
Kułbierhs skazaŭ, što mienavita tamu ŭzdoŭž usioj miažy terminova była ŭstalavanaja aharodža. Adnak elemienty techničnaha abstalavańnia miažy jašče nie całkam sinchranizavanyja — hetyja raboty nieabchodna zaviaršyć da kanca hoda.
Premjer-ministr padkreśliŭ, što pierapraŭka nielehalnych mihrantaŭ u Łatviju — heta taksama biznes i vynik dziejnaści arhanizavanych złačynnych hrup, źviazanych z Rasijaj.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana3
Kamientary
Vuń jano jak akazvajecca pracuje!? Punkt propusku zakryli, a mihranty zarazy takija praz tuneli lezuć. Pačakajcie, a jany ž i da zakryćcia miažy praz punkt propusku nie leźli?