Кіеў рыхтуе запасы прадуктаў і вады на выпадак надзвычайных сітуацый
У сталіцы Украіны ствараюць запасы прадуктаў і пітной вады на выпадак працяглых адключэнняў электраэнергіі і іншых надзвычайных сітуацый, паведамляе РБК-Украіна.
У першую чаргу горад рыхтуецца аказваць дапамогу малазабяспечаным кіяўлянам і людзям, якія апынуліся ў складаных жыццёвых абставінах, паведаміў намеснік кіраўніка Кіеўскай гарадской адміністрацыі па пытаннях ажыццяўлення самакіравальных паўнамоцтваў Алег Куяўскі.
Таксама гэтыя запасы можна будзе выкарыстоўваць:
— у пунктах нязломнасці — падчас працяглых адключэнняў электраэнергіі;
— для дапамогі пацярпелым у выніку надзвычайных сітуацый;
— для забеспячэння работнікаў, задзейнічаных у аварыйна-выратавальных і іншых неадкладных работах.
28 жніўня міністр аграрнай палітыкі Тарас Высоцкі заявіў, што Расія знішчыла 90 працэнтаў складоў гандлёвых сетак ва Украіне.
«Каля 90% ужо знішчана. Але разам з тым гэта не азначае, што ўкраінцы застануцца без прадуктаў харчавання. Пагрозы голаду няма», — сказаў тады міністр.
Цяпер чытаюць
Гэтая беларуская інстазорка дайшла да Playboy — але, у адрозненне ад многіх, не спынілася7
Каментары