У Мінску ўшанавалі памяць загінулых 15 гадоў таму хакеістаў «Лакаматыва»
7 верасня 2011 года пад Яраслаўлем разбіўся самалёт Як-42Д з хакеістамі і трэнерскім штабам мясцовага «Лакаматыва», які накіроўваўся на матч у Мінск супраць «Дынама». Сярод загінулых былі трое беларусаў: Руслан Салей, Сяргей Астапчук і трэнер па фізічнай падрыхтоўцы Мікалай Крываносаў.
Па традыцыі ў гэты дзень заўзятары, прадстаўнікі федэрацыі і хакеісты ўскладаюць кветкі да часовага мемарыяла, які ўсталёўваюць побач з «Мінск-Арэнай», піша Onliner.by.
Пакінулі кветкі каля пастамента і гульцы «Дынама» разам з трэнерскім і адміністрацыйным штабам.
Нясуць кветкі і на могілкі, дзе пахаваныя хакеісты. У прыватнасці, на Усходнія могілкі, дзе спачывае Руслан Салей.
Кветкі нясуць і на Кальварыйскія могілкі. Тут знаходзяцца магілы Сяргея Астапчука і Мікалая Крываносава.
У той авіякатастрофе загінулі 44 чалавекі. На борце знаходзіліся 27 хакеістаў. Адзін з іх — Аляксандр Галімов — выжыў, быў шпіталізаваны, аднак праз пяць дзён памёр у бальніцы.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал14
Каментары