Грамадства77

Уцёк ад міліцыі, скраў браму і пайшоў ваяваць: серыйны злодзей з Бабруйска пакінуў нагу на «СВА»

Ураджэнец Бабруйска Леанід Логвін, якога беларускія сілавікі амаль два дзесяцігоддзі таму абвяшчалі ў вышук за крадзеж, пайшоў ваяваць супраць Украіны ў складзе расійскага войска. Пасля цяжкага ранення і ампутацыі нагі найміт прыехаў на рэабілітацыю ў беларускі дзяржаўны пансіянат.

Леанід Логвін. Фота з ягонай старонкі ў Аднакласніках

55‑гадовы бабруец цяпер праходзіць аздараўленне ў санаторыі «Вяжуці» ў Маладзечанскім раёне, які падпарадкоўваецца Міністэрству працы Беларусі. Гэтая ўстанова спецыялізуецца на рэабілітацыі людзей з парушэннямі апорна-рухальнага апарату, а акупацыйны фонд «Абаронцы Айчыны» адпраўляе туды параненых расійскіх вайскоўцаў.

Пра сваё знаходжанне ў беларускім санаторыі Логвін сам ахвотна распавёў расійскім прапагандыстам, пазіруючы на фоне корпусаў комплексу.

Крымінальная біяграфія жыхара Бабруйска пачалася задоўга да поўнамаштабнага ўварвання. У жніўні 2007 года ў Бабруйску супраць яго распачалі крымінальную справу за крадзеж (ч. 2 арт. 205 КК РБ), аднак мужчына парушыў падпіску аб нявыездзе і збег, пасля чаго яго абвясцілі ў міждзяржаўны вышук. Логвін асеў ва Украіне, дзе гадамі жыў без рэгістрацыі на Данбасе і поўдні краіны. Там ён таксама паспеў адзначыцца ў міліцыі: у 2013 годзе заяву на яго начны дэбош пісала жонка на Харкаўшчыне.

Віктар Логвін у 2014 годзе. Фота з ягоных Аднакласнікаў

Але найбольш кур’ёзны выпадак здарыўся ў 2019 годзе ў Краматорскім раёне. Леанід скраў металічную гаражную браму ў знаёмага, у якога кватараваў, а затым спрабаваў прадаць скрадзенае гэтаму ж самаму гаспадару, за што атрымаў 100 гадзін грамадскіх працаў.

Беларус быў у шлюбе з вядомай калабаранткай Верай Логвін, якая пасля акупацыі ў 2022 годзе ўзначаліла захопленае сяло Фёдараўка на Херсоншчыне і адзначылася паказальным разрываннем украінскага пашпарта на камеру.

Логвіны жэняцца. Фота з ягонай старонкі ў Аднакласніках

Леанід восенню 2024 года добраахвотна падпісаў кантракт з Узброенымі сіламі РФ.

Леанід Логвін на вайне. Фота з ягонай старонкі ў Аднакласніках

На фронце ён пратрымаўся нядоўга: ужо да лета 2025 года яму ампутавалі нагу.

Віктар Логвін (па цэнтры) пасля ампутацыі нагі. Фота з ягонай старонкі ў Аднакласніках

Расійская прапаганда зрабіла з Логвіна «ветэрана СВА», акупацыйныя ўлады ў якасці сацыяльнай дапамогі расчысцілі яму двор ад сухіх галін, пасля чаго пакалечанага найміта адправілі аднаўляць здароўе на радзіму, дзе яго некалі шукалі праваахоўнікі.

Віктар Логвін. Фота: Вгору

«Наша Нiва» — бастыён беларушчыны

ПАДТРЫМАЦЬ

Каментары7

  • Юзік
    12.09.2026
    Жыццё наладжваецца
  • Надо две
    12.09.2026
    С..а одноногая. Теперь сядет на шею налогоплательщикам Беларуси.
  • Крынж
    12.09.2026
    Ну вось і праверым ці вырасце ў орка па-новаму нага.
    Калі ў гэтага экзэмпляра не вырасце- значыць ен павесіў партрэт пуціна не ў тым месцы, бо трэба каб вісеў над ложкам.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць