Уцёк ад міліцыі, скраў браму і пайшоў ваяваць: серыйны злодзей з Бабруйска пакінуў нагу на «СВА»
Ураджэнец Бабруйска Леанід Логвін, якога беларускія сілавікі амаль два дзесяцігоддзі таму абвяшчалі ў вышук за крадзеж, пайшоў ваяваць супраць Украіны ў складзе расійскага войска. Пасля цяжкага ранення і ампутацыі нагі найміт прыехаў на рэабілітацыю ў беларускі дзяржаўны пансіянат.
55‑гадовы бабруец цяпер праходзіць аздараўленне ў санаторыі «Вяжуці» ў Маладзечанскім раёне, які падпарадкоўваецца Міністэрству працы Беларусі. Гэтая ўстанова спецыялізуецца на рэабілітацыі людзей з парушэннямі апорна-рухальнага апарату, а акупацыйны фонд «Абаронцы Айчыны» адпраўляе туды параненых расійскіх вайскоўцаў.
Пра сваё знаходжанне ў беларускім санаторыі Логвін сам ахвотна распавёў расійскім прапагандыстам, пазіруючы на фоне корпусаў комплексу.
Крымінальная біяграфія жыхара Бабруйска пачалася задоўга да поўнамаштабнага ўварвання. У жніўні 2007 года ў Бабруйску супраць яго распачалі крымінальную справу за крадзеж (ч. 2 арт. 205 КК РБ), аднак мужчына парушыў падпіску аб нявыездзе і збег, пасля чаго яго абвясцілі ў міждзяржаўны вышук. Логвін асеў ва Украіне, дзе гадамі жыў без рэгістрацыі на Данбасе і поўдні краіны. Там ён таксама паспеў адзначыцца ў міліцыі: у 2013 годзе заяву на яго начны дэбош пісала жонка на Харкаўшчыне.
Але найбольш кур’ёзны выпадак здарыўся ў 2019 годзе ў Краматорскім раёне. Леанід скраў металічную гаражную браму ў знаёмага, у якога кватараваў, а затым спрабаваў прадаць скрадзенае гэтаму ж самаму гаспадару, за што атрымаў 100 гадзін грамадскіх працаў.
Беларус быў у шлюбе з вядомай калабаранткай Верай Логвін, якая пасля акупацыі ў 2022 годзе ўзначаліла захопленае сяло Фёдараўка на Херсоншчыне і адзначылася паказальным разрываннем украінскага пашпарта на камеру.
Леанід восенню 2024 года добраахвотна падпісаў кантракт з Узброенымі сіламі РФ.
На фронце ён пратрымаўся нядоўга: ужо да лета 2025 года яму ампутавалі нагу.
Расійская прапаганда зрабіла з Логвіна «ветэрана СВА», акупацыйныя ўлады ў якасці сацыяльнай дапамогі расчысцілі яму двор ад сухіх галін, пасля чаго пакалечанага найміта адправілі аднаўляць здароўе на радзіму, дзе яго некалі шукалі праваахоўнікі.
«Наша Нiва» — бастыён беларушчыны
ПАДТРЫМАЦЬ23‑гадовы Катана з Карэлічаў знік пад Купянскам. Маці запісвае адчайныя, але марныя відэазвароты
«Я яб**н, таму і пайшоў». Малады беларус кінуў цяжарную жонку і паехаў на вайну, пасля здрадзіў ёй дый загінуў
«Меркавана, загінуў. Эвакуяваць немагчыма». Мінскі аддзелачнік Аляксей не вернецца з вайны супраць Украіны
Брат беларускай каралевы прыгажосці трапіў у рэанімацыю ў Азербайджане3
Каментары
Калі ў гэтага экзэмпляра не вырасце- значыць ен павесіў партрэт пуціна не ў тым месцы, бо трэба каб вісеў над ложкам.