Беларускі аўтамабільны завод у Жодзіне ў 2027 годзе плануе вырабіць 220‑тонны кар’ерны самазвал, які будзе працаваць на вадародным паліве. Пра гэта 15 верасня паведаміў генеральны канструктар прадпрыемства Аляксандр Наскавец, піша primepress.by.
Паводле слоў Аляксандра Наскаўца, на БелАЗе ўжо стварылі 130‑тонны самазвал на вадародным паліве. Цяпер заканчваюцца яго выпрабаванні, пасля чаго машыну плануюць адправіць на адно з прадпрыемстваў Расіі. Што да 220‑тоннай мадэлі, то на ёй заканчваюцца перадпраектныя работы і пачынаецца распрацоўка дакументацыі. У лютым 2027 года самаскід плануюць убачыць у метале.
Сярод апошніх распрацовак прадпрыемства таксама тэхніка для падземных работ у шахтах. БелАЗ сумесна і на замову расійскай кампаніі «Нарнікель» вырабіў 45‑тонны самаскід і 17‑тонную пагрузачна-дастаўную машыну. Чакаецца, што праз некалькі месяцаў гэтая тэхніка пачне працаваць у шахце.
На прамысловым палігоне ў Брэсцкай вобласці завершаны поўны цыкл выпрабаванняў рабатызаваных самазвалаў. Яны прайшлі паспяхова. Цяпер вядуцца перамовы аб пастаўках тэхнікі ў Расію. Для яе суправаджэння ў месцах эксплуатацыі БелАЗ стварыў сумеснае прадпрыемства з расійскай карпарацыяй «Растэх».
Беларускі аўтамабільны завод быў заснаваны ў 1948 годзе, а ў канцы 2009 года акцыянаваны. Усе 100% яго акцый належаць дзяржаве. Прадпрыемства выпускае больш за 200 мадыфікацый самазвалаў грузападымальнасцю ад 30 да 450 тон, а таксама спецыялізаваную тэхніку.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку10
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары